Isaya 65:11 - MUMA MALER 2015

¹¹ “To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Motingʼo Loko Manyien

¹¹ “To un musejwangʼo Jehova Nyasaye kendo wiu osewil kod goda maler, un mupedho mesa mar misengini, kendo uloso sewni ne nyiseche manono.

Isaya 65:11 ပူးပေါင်းရင်းမြစ်များ

2 Ruodhi 21:3

Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 132:13

Ruoth Nyasaye notim kamano nikech oseyiero Sayun kodwaro ni mondo kar dakne obed kanyo.

Zaburi 137:5

Kapo ni wiya nyalo wil kodi, yaye Jerusalem, to onego bada ma agoyogo thum, tal.

Isaya 1:28

Joricho duto gi joma piem koda to norum chuth, nimar gidagi biro ira.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 11:9

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Isaya 57:13

Nyisecheni manonogo ok nokonyi ka iywak. Adier, onge nyasaye moro amora ma noresi. Yamo notergi mabor giduto. Ee, kata mana muya matin nono nokudhgi, mi tergi mabor. To joma oloka kar konyruokgi nokaw piny, kendo goda maler nobed mwandugi.

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:28

Koro ere nyiseche gogo mane uloso? Ka un e chandruok, to mondo okonyu ane, ka ginyalo konyou! Un jo-Juda, un gi nyiseche mang’eny.

Jeremia 7:18

Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Rapar mar Chik 32:17

Ne gitimo lisweche ni jochiende ma ok Nyasaye, kendo ni nyiseche ma ok ging’eyo, ma kata mana kweregi bende ne ok ong’eyo.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.