Isaya 64:3 - MUMA MALER 2015

³ Kane itimo honni mane ok wagen ni wanane, ne ilor piny, mi gode oleny e nyimi.

Motingʼo Loko Manyien

³ Nimar kane itimo gik madongo mane ok wapar, ne ilor piny ma gode ne oyiengni e nyimi,

Isaya 64:3 ပူးပေါင်းရင်းမြစ်များ

2 Samuel 7:23

Ere oganda moro e piny, machalo gi jogi Israel? Bende nitie jopiny moro mane isedhi miwaro e tich misumba, miloko jogi? Ere oganda moro, misetimonigi gik madongo malich, kimiyogo nyingi duong? Koso ere oganda machielo misereso, kigolo Misri mondo obed jogi iwuon, kendo kiriembonigi ogendini mamoko gi nyisechegi mondo oweni thuolo?

Zaburi 106:22

Ee, wigi nowil gi honni miwuoro mane otimo e piny nyikwa Ham, kod gik malich mane otimo e Nam Makwar.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Zaburi 66:5

Biuru mondo uneye gik madongo ma Nyasaye osetimo ni ji.

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Zaburi 76:12

En ema omiyo jodongo bolore, kendo obwogo ruodhi madongo mag piny.

Wuok 34:10

Ruoth Nyasaye nowacho niya, “Koro adwaro timo kodu singruok. Abiro timo honni madongo ka jou neno, ma nyaka nene pok otim e piny ngima, kata e oganda moro. Ji duto ma un e kindgi biro neno gima an Ruoth Nyasaye anyalo timo, nikech abiro timonu gima lich.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 64:1

Mad ibar polo ilor piny, mondo imi gode oleny e nyimi,

Habakuk 3:3

Nyasaye biro koa Teman. Ee, Ng’ama Ler biro koa got Paran. Duong’ne maler opong’o kor polo kaachiel gi piny.

Habakuk 3:6

Ka ochung’ to piny yiengni, kendo ka ong’icho, to ogendini kirni, bende gode duto ma nyaka nene barore kendo nimo. Pod owuotho mana kaka ne owuotho chon.

Rapar mar Chik 10:21

En ema nyaka upake, nimar en Nyasachu mosetimonu timbe madongo kendo malich, ma useneno gi wang’u.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.