Isaya 64:11 - MUMA MALER 2015

¹¹ Mach osewang’o Hekalu marwa ma jaber kendo man gi duong’, mane kwerewa pakie, omiyo giwa duto mabeyo osekethore.

Motingʼo Loko Manyien

¹¹ Hekalu marwa maler, kendo man-gi duongʼ mane kwerewa opakie, osewangʼ gi mach, kendo mwanduwa duto osekethore.

Isaya 64:11 ပူးပေါင်းရင်းမြစ်များ

1 Ruodhi 8:14

Ruoth Solomon nowichore, kendo kane jo-Israel duto ma nochokore ochung’, noguedhogi.

1 Ruodhi 8:56

“Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

2 Ruodhi 25:9

Nowang’o Od Ruoth Nyasaye, gi od ruoth, kod udi duto mag Jerusalem,

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

2 Weche mag Ndalo 6:4

Nowacho niya, “Apako Ruoth Nyasaye ma Nyasach Israel, mosechopo singruok mane otimo ni Daudi wuora, kowachone niya,

2 Weche mag Ndalo 7:3

Kane jo-Isarel duto oneno mach kalor piny kod duong’ mar Ruoth Nyasaye ka nie Hekalu, ne gikulore piny e laru. Ne gilamo Nyasaye kendo gigoyone erokamano ka giwacho niya, “Ruoth Nyasaye ber, herane mosiko ochwere.”

2 Weche mag Ndalo 7:6

Jodolo nochung’ kargi, kendo jo-Lawi nopako Ruoth Nyasaye gi wende mane Daudi ochuogo ka giwer niya, “Herane mosiko ochwere.” Ne gigoyo thumbe mane Daudi oloso mondo odendgo Ruoth Nyasaye. Jodolo bende nogoyo tung’ ka ochung’ momanyore gi jo-Lawi.

Isaya 63:18

Ere gima omiyo joricho osedonjo e Hekalu mari? Koso ang’o momiyo wasikwa osenyono kama ilamie?

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Ywagruok 1:7

Jerusalem paro ndalo mane onenoe chandruok kod chuny lit, kane wasigu omako joge, to onge ng’ama nobiro mondo okonye. Wasike ne ogoyone siboyi, koneno ni osepodho.

Ywagruok 2:1

Mano mudho mandiwa manade, ma Ruoth Nyasaye osekumogo Sayun, ka iye owang’! Hekalu mar Israel, ma duong’ne yande otundo nyaka e polo, osewito piny, chieng’ bura, ka ok oparo ni en raten tiende.

Ywagruok 2:7

Osedagi kendone mar misango mi ojwang’o Hekalu mare. Nochiwo ut Sayun madongo e lwet wasigu, mi gigoyo koko e od Ruoth Nyasaye mana machal gi koko migoyo chieng’ sawo maduong’.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Ezekiel 24:25

“Wuod dhano, abiro mayogi Hekalu motegno mane gisungorego kendo ma miyogi mor, mane gihero rango kendo donjoe. Bende anamagi yawuotgi kod nyigi.

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Mathayo 24:2

To nodwokogi ni, “Donge uneno gigi duto? Awachonu adier ni onge kata kidi achiel mabiro dong’ kochung’ ewi wadgi, to giduto nowitgi piny.”

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.