Isaya 63:3 - MUMA MALER 2015

³ “Gikwar kamano nikech asenyono mzabibu kenda kar bicho. Onge ng’ato kata achiel kuom ogendini mane ni koda. Ne anyono wasika piny ka akecho. Adier, ne anyonogi ka an gi mirima mager, mi rembgi okirore e lepa. Mano ema omiyo lepa duto otimo remo.

Motingʼo Loko Manyien

³ Asenyono olemo mibiyo kenda; kendo ngʼato angʼata moa kuom ogendini mane ni koda. Ne anyonogi piny kakecho kendo ka an-gi mirima mager; mi rembgi okirore e lepa kendo omiyo lepa duto otimo remo.

Isaya 63:3 ပူးပေါင်းရင်းမြစ်များ

Chakruok 49:11

En jamoko, omiyo otweyo kanje e kor mzabibu, mana e kor mzabibu mochiek makwar! Olwoko lepe gi divai makwar.

2 Ruodhi 9:33

Jehu nowacho nigi niya, “Dhiruru dhakono piny.” Kamano ne gidhire, mi rembe nokirore e kor ot, kendo farese nonyone.

Ayub 40:12

Ee, ng’igi, mondo igolgi e duong’ ma gin go, kendo irwad joma timbegi richo mana kuonde ma gichung’ie!

Zaburi 60:12

Ka Nyasaye konyowa, to wabiro kedo gi chir, nikech en ema obiro loyonwa wasikwa.

Isaya 22:5

Aywak nikech Ruoth Nyasaye Manyalo Gik Moko Duto oseketo chieng’ lweny gi koko kod masira. Nomuk ohinga e holo mar fweny, kendo ji nokogi ewi gode, kadwaro kony.

Isaya 25:10

kendo nikech lwete nobed ewi godni mondo okonywa. Jo-Moab to nonyon gi tiende, mana kaka dhok nyono tiang’ e kul.

Isaya 28:3

Bang’e osimbo ma jomer mag Israel sungoregono nonyon piny,

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Isaya 63:6

Ne anyono ogendini piny ka akecho. Ee, ne atong’ogi atong’ogi, mi rembgi obubni piny.”

Ywagruok 1:15

“Osenyono joga duto marateke, kendo oseluongo oganda lweny mang’ongo mondo otiek yawuota ma jolweny. Bende osenyono dala maduong’ mar Juda mana ka ng’ama nyono olemo mar bicho.

Joel 3:13

Gin gi richo mang’eny, omiyo betgiuru duto ka cham mibeto chieng’ keyo. Nyon-giuru ka mzabibu minyono kar bicho, ma mzabibu opong’o, kendo divai o oko.

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Zekaria 10:5

Ginibed ka jolweny marateke ma nyono wasikgi ka chuodho, kendo ginikedi nikech an Ruoth Nyasaye an kodgi, bende ginilo kata mana joidh farese, mi gikuod wigi.

Malaki 4:3

Chieng’ ma ang’adoe bura, unulo joma timbegi richo, kendo ginichalnu ka buru munyono.