Isaya 63:17 - MUMA MALER 2015

¹⁷ A Ruoth Nyasaye, ere gima omiyo iweyowa aweya, mi wabaro waweyo yoreni? Koso ang’o momiyo imiyo chunywa doko matek, mondo kik waluori? Duogi nikech wan, wan jotichni. Wan dhoudi mikwano ka mwanduni.

Motingʼo Loko Manyien

¹⁷ Yaye Jehova Nyasaye, angʼo momiyo wachandore e yoregi kendo chunywa pek ma ok wanyal chiwo luor ne in? Yie iduog irwa nikech wan jotichni, oganda ma gin girkeni mari.

Isaya 63:17 ပူးပေါင်းရင်းမြစ်များ

Zaburi 119:10

Atemo tiyoni gi chunya duto, omiyo rita mondo kik awe luwo chikeni.

Zaburi 119:36

Miya chuny mohero rito chikeni, kar bedo gi mwandu.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Zaburi 80:14

A Nyasaye Manyalo Gik Moko Duto duog irwa. Rangwa gie polo, kendo bi mondo ireswa, wan yadhi mar mzabibu.

Zaburi 90:13

Biro bet kinde marom nadi ka pok chunyi olendo, A Ruoth Nyasaye? Yie ikechwa, wan jotichni.

Wuok 11:10

Musa gi Harun nosetimo honnigo duto e nyim Farao, to Ruoth Nyasaye nomiyo wiye odoko matek, mi ne ok onyal weyo jo-Israel a e pinye.

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Isaya 19:25

Ruoth Nyasaye Manyalo Gik Moko duto noguedhgi, ka wacho kama: “Oguedh jo-Misri ma joga, kendo oguedh jo-Asuria ma chuechna, bende oguedh jo-Israel ma gin mwanduna awuon.”

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Isaya 29:14

Emomiyo anachak abwog jogi kendo, ka atimo gik malich ma miyo giwuoro. Rieko mar jogi mariek nolal nono, kendo paro matut mar jogi mang’ado rieko, norum.”

Isaya 30:28

Muche bende chalo gi aora mopong’ ma mwomo genge, kendo imo ng’ato nyaka ng’ute. Obiro piedho ogendini gi rapiedhi mar tho, mi omi giba yo ma gidwaro luwo, mana ka faras michiko gi chuma ma otue e dhoge.

Isaya 6:10

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”

Ywagruok 3:9

Osegeng’o yore mane aluwo gi kite mopa, omiyo awuotho e yore mogondore.

Ezekiel 20:26

Ne amiyo gibedo mogak kuom gik mane gichiwo ni nyiseche manono, kendo kuom chiwo misango gi yawuotgi makayo. Ne atimo kamano mondo abwoggigo, mi ging’e ni an e Ruoth Nyasaye.

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Kwan 10:36

To pile kane Sanduk chung’, to Musa ne wacho niya, “Yue, A Ruoth Nyasaye, Nyasach jo-Israel gana gi gana.”

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.

Joshua 11:20

Ruoth Nyasaye nomiyogi chir mar kedo gi jo-Israel mondo jo-Israel oneggi maonge ng’wono, kendo otiekgi chuth, mana kaka Ruoth Nyasaye nosechiko Musa.