Isaya 62:9 - MUMA MALER 2015

⁹ To jogo mosekeyo ema nocham cham ma gisekayo, kendo ginipak Ruoth Nyasaye. Bende jogo mosepono olemb mzabibu nomadh divai e laru mar Hekalu mara.”

Motingʼo Loko Manyien

⁹ to jogo mano kagi ema nochamgi, ka gipako Jehova Nyasaye, bende jogo ma choko olemb mzabibu ema nomadhgi e laru mar kara maler mar lemo.”

Isaya 62:9 ပူးပေါင်းရင်းမြစ်များ

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Isaya 65:13

Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Isaya 65:21

Ji noger udi, kendo ginidagie aming’a, kendo ginipur puothe mzabibu, mi gicham olembgi.

Isaya 65:22

Ok giniger udi ni mondo jomoko nono ema odagie, bende ok ginichwo cham ni mondo jomoko nono ema ocham. Joga moyier nodag aming’a mana kaka yath dak, mi kuom ndalo mang’eny ginicham mwandu ma luchgi okelo.

Jeremia 31:5

Unuchak upidh mzabibu e gode mag Samaria, kendo joma opidhogi nocham olemo ma ginyago.

Ezekiel 40:14

Ot mane ni tung’ mogik ema nidonjogo e laru. Ne opime, moyudo ni lachne mita apar.

Joel 2:26

Koro ubiro bedo gi chiemo mathoth, mucham nyaka uyieng’, mi unupak Ruoth Nyasaye ma Nyasachu, mosetimonu gik miwuoro. Bende joga ok nochak ojar kendo.

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 12:7

Unuchiem kanyo e nyim Ruoth Nyasaye ma Nyasachu, kendo un gi jouteu unubed mamor, nikech Ruoth Nyasaye ma Nyasachu oseguedho gik moko duto mutimo.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Rapar mar Chik 16:14

Unutim sawono gi mor, kaachiel gi yawuotu gi nyiu kod wasumbu machwo gi mamon gi jo-Lawi kod jopinje mamoko gi nyithi kiye kod mond liete modak kodu.