Isaya 62:4 - MUMA MALER 2015

⁴ Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Motingʼo Loko Manyien

⁴ Ok ginichak giluongi ni Kama Ojwangʼ kata chako pinyi ni kama Odongʼ Gunda. To noluongi ni Hefziba kendo pinyi noluongi ni Beula; nimar Jehova Nyasaye nobed kodi gi mor kendo pinyi nochal gi dhako mokendi.

Isaya 62:4 ပူးပေါင်းရင်းမြစ်များ

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 16:3

Joma ogeno kuom Ruoth Nyasaye gin joma beyo, kendo amor kodgi gi chunya duto.

Isaya 49:14

Dala Sayun to wacho niya, “Ruoth Nyasaye osejwang’a. Adier, wi Nyasachwa osewil koda.”

Isaya 54:1

Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Isaya 60:15

Isebedo dala mojwang’ kendo ma ji ochayo, maonge ng’ama lim, to koro abiro miyo ibedo dala man gi duong’ mosiko, ma kelo ni ji mor ma ok rum.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Isaya 62:2

Ogendini none ni oseresi, kendo ruodhi duto bende none kaka osemiyi duong’. Bang’e noluongi gi nying manyien, ma Ruoth Nyasaye owuon ema nochaki.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Isaya 65:19

Abiro bedo mamor gi Jerusalem, kendo abiro bedo moil nikech joga. “Ywak kod ywagruok ok nochak owinji e Jerusalem,

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 32:41

Anatimnigi maber ka chunya mor, kendo anagurgi motegno e pinyni gi chunya duto kod parona duto.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Ezekiel 36:35

mi ji duto nowach niya, “Piny ma yande thimni tinde chalo gi puoth Eden, kendo mier mane omukore mi oyaki kendo owe gundni, tinde ochiel motegno, kendo ji odakie.”

Hosea 2:21

E kindeno anadwok kwayo ma joga Jezreel kwayogo. Anami koth chue e piny,

Hosea 2:22

mi piny nonyag cham gi mzabibu kod zeituni.

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Malaki 3:12

Bang’e ogendini duto noluongu ni johawi, nikech pinyu nobed kama ber dakie.”

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

2 Jo-Korintho 11:2

An gi nyiego kuomu, to en mana nyiek Nyasaye. Ne amiyo umako osiep gi Kristo, kendo ne adwaro terou ire kaka ng’ato tero nyako ngili ir chwore.

Rapar mar Chik 30:9

Ruoth Nyasaye ma Nyasachu nomedu mwandu mang’eny moloyo. Unubed gi nyithindo mathoth, gi jamni mang’eny, kod cham mogundho. Enobed mamor komiyou mwandu, mana kaka nobedo mamor komiyo kwereu mwandu,

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.