Isaya 61:6 - MUMA MALER 2015

⁶ To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Motingʼo Loko Manyien

⁶ Kendo noluongu ni jodolo mag Jehova Nyasaye, kendo noluongu ni jotich Nyasachwa. Unucham mwandu mag pinje kendo unungʼaru gi sunga kuom mwandugigo.

Isaya 61:6 ပူးပေါင်းရင်းမြစ်များ

Wuok 19:6

Unubed oganda mowal, matiyona ka jodolo.’ Mano e wach ma onego inyis jo-Israel.”

Isaya 23:18

To ohala moyudo e tijeno nochiw ni Ruoth Nyasaye. Ok nokunggi, bende ok nokan-gi, to nong’iew kodgi chiemo mathoth kod lewni mabeyo ni jodolo mag Ruoth Nyasaye.

Isaya 54:3

nimar ibiro nya kuonde duto, kendo nyikwayi noma ogendini pinjegi, mi gidag e mier ma koro owe gundni.

Isaya 56:6

“Kamano bende e kaka an Ruoth Nyasaye, awacho ni jopinje mamoko ma oyie kuoma ka lama, kendo ohero nyinga, bende mobedo jotichna morito Sabato mondo kik kethie, kendo morito singruok ma atimo kodgi.

Isaya 66:12

Ruoth Nyasaye wacho niya, “Abiro miyo Jerusalem bedo gi kue mamol ka aora, kendo mwandu mag ogendini bende abiro olone, mana ka aora motiak. Unubed mamor mana ka nyithindo midhodho, kendo miiko e bath, kata mipiro e chong.

Isaya 66:21

Moko kuomgi analok jodolo, kendo moko anami tich jo-Lawi. Ruoth Nyasaye ema owacho kamano.

Jeremia 33:18

kendo pile nobedie jodolo ma jo-Lawi ka tiyo e nyima, kendo kachiwo misengni miwang’o pep gi mag mogo kaachiel gi misengni mamoko.”

Ezekiel 14:11

Kamano jo-Israel ok nochak oweya, ka dwanyore gi richogi. Ginibed joga, kendo an bende nabed Nyasachgi. An Ruoth Nyasaye ema awacho kamano.”

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

1 Jo-Korintho 3:5

Un uparo ni Apolo en ng’a? Koso Paulo to ng’a? Donge wan mana jotich Nyasaye mane omiyo uyie kuom Kristo? Ng’ato ka ng’ato kuomwa tiyo tich mane Ruoth omiye mondo oti.

1 Jo-Korintho 4:1

Nyaka ukwanwa ka jotich Kristo, ma osemi tich rito weche mopondo mag Nyasaye.

2 Jo-Korintho 11:23

Koso donge gipakore ni gin jotich Kristo? An to an jatich Kristo moloyo gi. (Ka awacho kamano, to awuoyo ka janeko!) Asetiyo tich matek, kendo asebedo e od tuech, bende osechwada, kendo aseneno masiche mag tho moloyo chandruok moro amora ma gin giseneno.

2 Jo-Korintho 6:4

To wanyiso ni wan jotich Nyasaye, e weche duto, kwatimo kinda ahinya e sand, e chandruok, e masira,

Rapar mar Chik 18:2

Kaka ok giniyud piny mopognigi ka mwandugi, Ruoth Nyasaye owuon ema nobed mwandugi kaka nosingore.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 20:6

Joma ochier e chier mokwongoni gin johawi kendo gin joma ler. Tho mar ariyo onge gi teko kuomgi, to ginibed jodolo mag Nyasaye kod mag Kristo, kendo giniloch kode kuom higni alufu achielgo.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”