Isaya 61:4 - MUMA MALER 2015

⁴ Ginichak giger kuonde mane omukore, kendo ginichak gilos mier mane okethore chon. Adier, ginilos mier mane okethore, modong’ gundni kuom higni mang’eny,

Motingʼo Loko Manyien

⁴ Ginichak giger kuonde machon mane omukore, ka gidwoko kare kuonde mane okethore, kendo ginichak giger mier madongo mane okethore mosebedo kojwangʼ e tiengʼ ka tiengʼ.

Isaya 61:4 ပူးပေါင်းရင်းမြစ်များ

Ezra 9:9

Adier, wan joma otue, to kata kamano in Nyasachwa, ok isejwang’owa chutho miweyowa e tuechwa, to isemiyo chuny ruodhi mag Persia obedo maber kodwa, mi gimiyowa thuolo mondo walos Hekalu mari kendo wager kuonde mokethore, kibedonwa kaka ohinga molworo Juda gi Jerusalem.

Zaburi 46:8

Biuru mondo uneye gik ma Ruoth Nyasaye osetimo. Ee, neyeuru gik miwuoro mosetimo e piny.

Zaburi 74:3

Bi mondo iwuoth e dala mane osekethoreni. Wasikwa oseketho Hekalu mari chuth.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 58:12

“Nyithindu munywolo nochak oger kuonde ma nodong’ gundni mana ewi mise machon, mi noluongu ni, joger ohinga momukore, kendo ni, jolos udi mane okethi.”

Mika 7:11

E ndalo gogo, un jo-Jerusalem unuchak uger ohingau, kendo unuyar tong’ pinyu,

Zekaria 1:17

To bende malaikano nowachona ni mondo anyis ji ni, Ruoth Nyasaye wacho kama: “Miecha duto biro pong’ gi gik moko mabeyo, mi anachak aho Sayun, kendo anatim Jerusalem dala ma ayiero.”