Isaya 60:2 - MUMA MALER 2015

² Kata obedo ni mudho biro umo piny, mi ogendini bed e mudho mandiwa, to Ruoth Nyasaye norieny kuomi, mi duong’ne maler nonenre kuomi.

Motingʼo Loko Manyien

² Neye mudho okwako piny, kendo ogendini ni e mudho mandiwa, to Jehova Nyasaye oserieny kuomi kendo duongʼne osenenore kuomi.

Isaya 60:2 ပူးပေါင်းရင်းမြစ်များ

1 Ruodhi 8:11

mi ne ok ginyal tiyo tichgi mar dolo, nikech duong’ maler mar Ruoth Nyasaye nopong’o Hekalu.

Zaburi 102:16

E kinde ma Ruoth Nyasaye nochak ogerie Sayun kendo, to enothinyre gi duong’.

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Isaya 2:5

Biuru, yaye un joka Jakobo, mondo wawuoth e ler mar Ruoth Nyasaye.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Isaya 58:10

mi umiyo joma kech kayo chiemo, kendo ukonyo joma thagore gi gik ma gichando, to ler ma un go norieny e mudho, kendo kata mana tipou nobed maler ka odiechieng’.

Isaya 58:8

Kutimo kamano eka ler ma un go noyawre mana ka ru piny, kendo unubed mangima mana ka adhola mosechango. Timbeu uwegi makare ema notelnu, kendo duong’ maler mar Ruoth Nyasaye ema nodong’nu chien.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Isaya 66:11

Bang’e unubed mamor kuchamo mwandune mogundho, mana kaka nyathi mor kadhodho min.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Ezekiel 10:4

Duong’ maler mar Ruoth Nyasaye nosewuok moa e wi kerubi, mi odhi e dhood Hekalu. Eka bor polo nopong’o Hekalu, kendo duong’ maler mar Ruoth Nyasaye ne rieny e laru.

Tim jo-Lawi 9:23

Musa gi Harun nodonjo e Hemb Romo, to kane giwuok oko ne giguedho ji, mi duong’ maler mar Ruoth Nyasaye nofwenyore ni ji duto.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Kwan 16:19

Korah bende nochoko joge duto, mi gichung’ ka gimanyore gi ji ariyogo e dho Hema. Bang’e duong’ maler mar Ruoth Nyasaye nothinyore ni oganda duto mar Israel,

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 23:19

Mano kaka un muofni! Ere gima duong’? Chiwo koso kendo-mar-misango mamiyo chiwo bedo mowal ni Nyasaye?

Mathayo 23:24

Un jotelo ma muofni, magolo gik matindo kaka ojur e gima umadho, to gik madongo ka ngamia, to umwonyo amwonya!

Johana 1:1

Kar chakruok, Wach ne nitie. Wach ne ni kod Nyasaye, kendo Wach ne en Nyasaye.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Johana 8:55

To eka un ok ung’eye, an to ang’eye. Ka anyalo wacho ni ok ang’eye, to dabed jamriambo mana ka un. To ang’eye adier, kendo pile amako wachne.

Tich Joote 14:16

E kinde machon, Nyasaye noyie ni ogendini duto mondo oluw yoregi giwegi.

Tich Joote 17:23

nikech kane awuotho e dala ka, mi arango kuondeu mag lemo, to ne aneno kendo-mar-misango mondikie ni, ‘KENDONI OKET NI NYASAYE MA OK ONG’E.’ To Nyasaye mulamo ma ok ung’eyono ema koro anyisou wachne.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

2 Jo-Korintho 3:18

Wan duto, ma waonge rageng’ e wang’wa, to wachalo gi rang’i, kendo wamiyo ler mar Ruoth nenore, kendo lerno medore ameda pile, ka kitwa medo lokore machal kode. Mano en tich Ruoth ma en Roho.

Jo-Kolosai 1:13

En ema ne oresowa e Loch mudho, mi oterowa e Loch Wuode mohero,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!