Isaya 60:19 - MUMA MALER 2015

¹⁹ Wang’ chieng’ ok nochak obedni ler mar odiechieng’, kata due ok nochak orienyni gotieno, to Ruoth Nyasaye ema nobedni ler mosiko. Nyasachi nobedni duong’ maler.

Motingʼo Loko Manyien

¹⁹ Wangʼ chiengʼ ok nobed lerni mar odiechiengʼ kata mana ler mar dwe ok nomenyi, nimar Jehova Nyasaye ema nobed ler mari kendo Nyasachi ema nobed duongʼ mari.

Isaya 60:19 ပူးပေါင်းရင်းမြစ်များ

Zaburi 3:3

To in Nyasaye, in e okumba mogeng’ona chandruok. Imiyo abedo jaloyo, kendo iduogo tekra.

Zaburi 36:9

In ema ngima wuok kuomi, kendo ler mari emomiyo waneno ler.

Zaburi 4:2

Un ji ubiro yanya nyaka karang’o, kuhero mana gik manono, kendo kuluwo yore mag miriambo?

Zaburi 62:7

Warruokna gi nyinga maber wuok mana kuom Nyasaye. En lwandana ma ageng’orae, kendo en e kar konyruokna.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Zaburi 84:12

A Ruoth Nyasaye Manyalo Gik Moko Duto, mano kaka joma ogeno kuomi gin johawi!

Isaya 2:5

Biuru, yaye un joka Jakobo, mondo wawuoth e ler mar Ruoth Nyasaye.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 28:5

Chieng’no Ruoth Nyasaye Manyalo Gik Moko Duto ema nobed osimbo maber mar duong’ ni joge manok modong’.

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 45:25

Nyikwa Israel duto nolochi kendo noyud duong’, mana nikech Ruoth Nyasaye.’

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 60:1

In dala Jerusalem, a malo! Rieny nikech lerni osechopo, kendo duong’ maler mar Ruoth Nyasaye oselor kuomi.

Isaya 9:2

Ji ma wuotho e mudho none ler maduong’. Adier, ler norieny kuom jogo modak e piny motimo mudho mandiwa.

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Luka 2:32

kendo ma biro kelo duong’ ni jogi Israel.”

Rapar mar Chik 10:21

En ema nyaka upake, nimar en Nyasachu mosetimonu timbe madongo kendo malich, ma useneno gi wang’u.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.