Isaya 60:18 - MUMA MALER 2015

¹⁸ Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Motingʼo Loko Manyien

¹⁸ Timbe mahundu ok nochak owinji e pinyu, tuo kata kethruok moro marach ok nochak owinji machiegni gi tongʼ magu, to iniluong ohinga magi ni Warruok kendo dhorangeyeni ni Pak.

Isaya 60:18 ပူးပေါင်းရင်းမြစ်များ

2 Samuel 7:10

kendo abiro miyo joga Israel pinygi giwegi. Anagurgi kuno, kendo ginidagie ma ok othaggi kendo, kaka chon,

Zaburi 147:14

Osekelo kue e tong’ pinyu, kendo osemiyou cham mabeyo mogundho.

Isaya 11:9

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Isaya 2:4

Enong’ad bura ka othego ogendini mopogore opogore kendo enoyal pinje mang’eny. Ng’ato ka ng’ato nothedh liganglane mondo obed kwer. Tongegi to ginithedh rabetni. Onge oganda moro ma noked gi oganda machielo, kendo ji ok nochak opuonjre lweny.”

Isaya 26:1

Wer ma nower e piny Juda chieng’no e ma: “Wan gi dala mochiel motegno, kendo resruok ma Ruoth Nyasaye osekelonwa ema obedo ohinga mwageng’orego.

Isaya 26:2

Yawuru dhorangeye mondo oganda moyie kuom Nyasaye odonji.

Isaya 51:19

Masiche ariyo osemaki. Achiel en kethruok piny, to machielo en tho mar kech kod lweny. To ere ng’ama nyalo hoyi, kendo duog chunyi?

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 60:11

Dhorangeyeni biro siko koyaw, kendo ok nochieggi godiechieng’ kata gotieno, mondo ji okelni mwandu mag ogendini, ka ruodhigi otelonigi.

Isaya 60:17

Kar mula anakelni dhahabu, to kar nyinyo anakel fedha. Kar yien anakel mula, kendo kar kite anakel nyinyo, bende anami jotendi tiyo gi kue kod tim makare.

Isaya 61:11

Kaka lowo miyo cham twi, kendo kaka cham mae puodho thiewo, e kaka Ruoth Nyasaye bende nomi tim makare kod pak thiew e nyim ogendini duto.

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Isaya 62:7

Kata en bende kik uwe oyue, nyaka chop ami Jerusalem bed dala marahuma ma ji duto pako.”

Ezekiel 42:20

Ne en gi ohinga molwore, ma borne gi lachne mita mia ariyo gi piero abich maromre. Ohingano nopogo koma ler kod koma ok ler.

Mika 4:3

Enong’ad bura, ka othego ogendini, kendo enoyal weche mag ogendini marateke modak kuonde maboyo. Ng’ato ka ng’ato nothedh liganglane mondo obed kwer, kendo tongegi ginithedhi rabetni. Onge oganda moro ma noked gi oganda machielo, kendo ji ok nochak opuonjre lweny.

Zefania 3:19

Winjuru! Ka kindeno ochopo, to anakum joma thirou. Anakony rang’onde, kendo anachok joma oke, mi alok wichkuot mane joga nigo obed pak gi huma e piny ngima.

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Zekaria 9:8

“Anachung’ e pinya ka jarito, mondo ng’ato kik donji kata wuogi, mi wasigu ok nochak olo joga nimar aseneno thagruokgi gi wang’a.”