Isaya 60:17 - MUMA MALER 2015

¹⁷ Kar mula anakelni dhahabu, to kar nyinyo anakel fedha. Kar yien anakel mula, kendo kar kite anakel nyinyo, bende anami jotendi tiyo gi kue kod tim makare.

Motingʼo Loko Manyien

¹⁷ Kar mula anakelni dhahabu kendo fedha kar nyinyo. Kar yien anakel mula kendo nyinyo kar kite. Kwe ema nobed jaritni kendo tim makare ema notelni.

Isaya 60:17 ပူးပေါင်းရင်းမြစ်များ

1 Ruodhi 6:30

kendo dier udi maiye gi maoko noumo gi dhahabu.

Zaburi 147:14

Osekelo kue e tong’ pinyu, kendo osemiyou cham mabeyo mogundho.

Zaburi 72:3

Ji modak e gode madongo gi matindo onego odag maber gi kue.

Isaya 1:26

Bang’e anamiu jong’ad bura mabeyo, kod jobura mariek mana kaka chon. Bang’ mano dalau nochak oluongi ni, ‘Dala ma adiera nitie’, kendo ni, ‘Dala moluoro Nyasaye.’

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 55:13

Kuonde ma koro pedo gi kudho nitie, yien mabeyo ema biro dongoe. Mano nomi Ruoth Nyasaye bedo gi huma ma ok nyal lal, kendo nobed rapar mosiko nyaka chieng’.”

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Daniel 11:20

“Eka ruoth moro nowuog bang’e ma noor ng’ato osolne osuru mondo pinye obed gi mwandu mang’eny. To bang’ kinde matin ruodhno nonegi, to ok e lweny.

Hagai 2:8

An e wuon fedha, kendo an e wuon dhahabu.

Zekaria 12:8

“Chieng’no an Ruoth Nyasaye nabed okumba ni jo-Jerusalem, mi kata mana ng’ama yomyomie moloyo kuomgi nobed motegno ka Daudi, kendo joka Daudi nobed jotend ji mana kaka Nyasaye kata malaika mare.

2 Petro 3:13

To wan warito polo manyien kod piny manyien, kuma tim makare nitie, kaka ne Nyasaye osingorenwa.