Isaya 60:11 - MUMA MALER 2015

¹¹ Dhorangeyeni biro siko koyaw, kendo ok nochieggi godiechieng’ kata gotieno, mondo ji okelni mwandu mag ogendini, ka ruodhigi otelonigi.

Motingʼo Loko Manyien

¹¹ Dhorangeyeni biro siko ka oyaw, ok nochieg-gi odiechiengʼ kata otieno, mondo owe thuolo ogendini okelni mwandu moa e pinje ka ruodhigi otelonegi.

Isaya 60:11 ပူးပေါင်းရင်းမြစ်များ

Nehemia 13:19

Omiyo ka nigolo ji e dhorangeye mag Jerusalem sa mane Sabato dwaro chakore, nagolo chik mondo dhorangeye olor, kendo kik yawgi nyaka chieng’ Sabato rum. Bende naketo jotichna moko mondo orit dhorangeye ni kik misigo moro amora donj e dala Jerusalem chieng’ Sabato.

Zaburi 149:8

Bende mondo gitue ruodhi jogo kod jotendgi gi nyororo,

Isaya 24:21

Chieng’no Ruoth Nyasaye nong’ad bura, mi malaika mae polo, nokum e polo, kendo ruodhi mae piny, nokum e piny.

Isaya 26:2

Yawuru dhorangeye mondo oganda moyie kuom Nyasaye odonji.

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Isaya 60:5

Kineno kamano to inibed mamor, mi chunyi pong’ gi ilo. Mwandu mogundho mag ogendini mopogore opogore nokelni gi yiedhi.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.