Isaya 60:1 - MUMA MALER 2015

¹ In dala Jerusalem, a malo! Rieny nikech lerni osechopo, kendo duong’ maler mar Ruoth Nyasaye oselor kuomi.

Motingʼo Loko Manyien

¹ Aa malo mondo irieny nikech lerni osechopo, kendo duongʼ mar Jehova Nyasaye oserieny kuomi.

Isaya 60:1 ပူးပေါင်းရင်းမြစ်များ

Zaburi 102:16

E kinde ma Ruoth Nyasaye nochak ogerie Sayun kendo, to enothinyre gi duong’.

Zaburi 87:3

In dala Nyasaye, winji gik mabeyo miwuoro ma owacho kuomi.

Isaya 2:5

Biuru, yaye un joka Jakobo, mondo wawuoth e ler mar Ruoth Nyasaye.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 28:5

Chieng’no Ruoth Nyasaye Manyalo Gik Moko Duto ema nobed osimbo maber mar duong’ ni joge manok modong’.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Isaya 58:8

Kutimo kamano eka ler ma un go noyawre mana ka ru piny, kendo unubed mangima mana ka adhola mosechango. Timbeu uwegi makare ema notelnu, kendo duong’ maler mar Ruoth Nyasaye ema nodong’nu chien.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Isaya 62:2

Ogendini none ni oseresi, kendo ruodhi duto bende none kaka osemiyi duong’. Bang’e noluongi gi nying manyien, ma Ruoth Nyasaye owuon ema nochaki.

Isaya 66:11

Bang’e unubed mamor kuchamo mwandune mogundho, mana kaka nyathi mor kadhodho min.

Isaya 9:2

Ji ma wuotho e mudho none ler maduong’. Adier, ler norieny kuom jogo modak e piny motimo mudho mandiwa.

Ezekiel 43:4

Duong’ maler mar Ruoth Nyasaye nokadho e dhorangach ma yo wuokchieng’, modonjo e Hekalu.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 4:16

“Oganda mane odak e mudho oseneno ler maduong’. Adier, ler oserieny kuom joma ne obet e piny motimo tipo mar tho.”

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Luka 2:32

kendo ma biro kelo duong’ ni jogi Israel.”

Johana 1:9

Wach ne en ler maradier marieny ni ji duto, kendo ne oyudo obiro e piny e kindeno,

Johana 12:46

An e ler, kendo asebiro e piny mondo ng’at moyie kuoma kik sik e mudho.

Johana 3:19

“Burano chalo kama: ler osedonjo e piny, to ji ohero mudho moloyo ler nikech timbegi richo.

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

Jo-Filipi 2:15

Nyaka ubed nyithind Nyasaye maler kendo maonge wach, kubedo maonge ketho e kind tieng’ mobam kendo ma jarichoni, mondo urieny e kindgi ka sulue marieny e polo,

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.

Fweny 21:11

ka nigi duong’ maler duto mar Nyasaye. Lerne ne rieny ka kidi ma nengone tek, kaka jasper maler ahinya.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.