Isaya 6:5 - MUMA MALER 2015

⁵ Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Motingʼo Loko Manyien

⁵ Ne aywak niya, “mano kaka lit! Arumo chuth! Nimar an ngʼat ma dhoge wacho gik ma ok ler kendo adak e kind joma wechegi ochido, eka an to aseneno Ruoth, ma en Jehova Nyasaye Maratego gi wangʼa awuon.”

Isaya 6:5 ပူးပေါင်းရင်းမြစ်များ

Chakruok 32:31

Jakobo noa Peniel ka chieng’ wuok, kendo nowuotho kofwono, nikech bamne nosewil.

Zaburi 24:10

Ruoth maduong’ni to en ng’a? En Ruoth Nyasaye ma Nyasach ogendini.

Wuok 24:10

Nochung’ ewi gima chalo gi laro molos gi kit ombo marieny mana ka polo.

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Wuok 33:20

Nomedo wacho ni Musa ni, “To ok inyal neno wang’a, nikech onge dhano ma nyalo neno wang’a, mi pod obed mangima.”

Wuok 4:10

Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Wuok 6:12

To Musa nodwoko Ruoth Nyasaye ni, “Ka jo-Israel ema ok nyal winja, Farao to diwinja nadi, an ng’at maywayo wachni?”

Wuok 6:30

To Musa nodwoko Ruoth Nyasaye niya, “Ing’eyo ni an ng’at maywayo wach, to ere kaka Farao diwinj wachna?”

Isaya 24:16

Wasewinjo ka giwer e tung’ piny ka tung’ piny niya, “Mano kaka Ng’ama Kare ber!” An to chunya pod lit ahinya, nimar ji pod osiko ka timo atima richo, kendo ndhogruok opong’o piny.

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Isaya 33:17

Enone Ruoth gi duong’ne duto, kendo norang piny moyarore malach.

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Ezekiel 12:2

“In wuod dhano, idak e kind joma jopiem. Gin gi wenge to ok ginyal neno gimoro, bende gin gi it, to ok ginyal winjo wach, nikech gin joma wigi tek.

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Daniel 9:20

Ne adhi nyime gi lemo ka ahulo richona kod richo mag jowa, kendo ne aywak ni Ruoth Nyasacha mondo oguedh gode maler.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Kwan 17:12

Bang’e jo-Israel nowacho ni Musa niya, “Waserwenyo! Waduto warumo!

Jong’ad Bura 13:22

omiyo nowacho ni chiege niya, “Wabiro tho, nikech waseneno Nyasaye.”

Jong’ad Bura 6:22

Mano nomiyo Gideon ong’eyo ni kara malaika mar Ruoth Nyasaye ema aye loso kode, mi nowacho niya, “Yaye Ruoth Nyasaye! Kara en adier ni asewuoyo gi malaika mari wang’ gi wang’.”