Isaya 6:2 - MUMA MALER 2015

² Malaike miluongo ni serafi ne ni bute. Moro ka moro ne nigi buombe auchiel, ma ariyo oumogo wang’e, to ariyo mamoko oumogo tiendene, kendo ariyo modong’ ohuyogo.

Motingʼo Loko Manyien

² E wiye malo malaike miluongoni serafi ochungʼe kamoro ka moro nigi bwombe auchiel ka bwombe ariyo giumogo wengegi, to bwombe ariyo mamako giumogo tiendegi, to bwombe ariyo modongʼ gihuyogo.

Isaya 6:2 ပူးပေါင်းရင်းမြစ်များ

Chakruok 17:3

Abram nogoyo chonge piny, mokulore nyaka e lowo, mi Nyasaye nowachone niya,

1 Ruodhi 19:13

Kane Elija owinjo kamano, nogeng’o wang’e gi lawe mar abola, kendo nowuok, mochung’ e dho rogo. Eka nowinjo dwol kapenje niya, “Elija, itimo ang’o ka?”

1 Ruodhi 22:19

Mikaya nowacho niya, “Koro winj wach Ruoth Nyasaye. Naneno Ruoth Nyasaye kobet e kom duong’ne, kendo ka oganda polo ochung’ e bathe koni gi koni.

1 Ruodhi 6:24

Buomb kerubi konchiel noromo mita ariyo gi nus, to komachielo bende kamano. Kamano bor buombe duto korie noromo mita abich.

1 Ruodhi 6:27

Noketo kerubigo e dier ot maler maiye, ka buombegi oyarore. Buomb kerubi achiel nogik e kor ot koni, kendo buomb kerubi machielo nogik e kor ot kocha, to buombegi madiere noromo e dier ot tir.

1 Ruodhi 8:7

nimar kerubi noyaro bwombegi ewi kama Sanduk betie, ka giume kaachiel gi ludhe miting’ego.

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Ayub 1:6

To kinde nochopo ma yawuot polo obiro e nyim Ruoth Nyasaye, kendo Satan bende ne ni kodgi.

Ayub 15:15

Ka Nyasaye ok nyal geno kata mana malaika mage, kendo joma odak e polo bende nenore mana ma ok ler,

Ayub 4:18

Ka Nyasaye ok ogeno jotichne owuon, kendo oyudo ni malaikane gin joketho,

Zaburi 103:20

Pakuru Ruoth Nyasaye, un malaike madongo marateke, mawinjo wachne, kendo morito chikene.

Zaburi 104:4

Ioro yamo ka jooteni, kendo mil polo ema iketo jotichni.

Zaburi 18:10

Ne oidho kerubi mi ohuyogo matek e kor yamo.

Zaburi 89:7

In ema malaika miyi luor e buch polo. Ee, oluori moloyo malaika duto man buti.

Wuok 25:20

Ginibed ka giyaro buombegi malo mondo gigeng’ raum, kendo ginimanyre, ka ging’iyo wi raum.

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Wuok 37:9

Ne gibedo ka bwombegi oyarore kochomo malo mondo ogeng’ raum, kendo ne gimanyore, ka ging’iyo raum.

Isaya 6:6

Eka malaika moro nohuyo, mobiro ira koting’o mach

Ezekiel 1:11

Moro ka moro nosiko koyaro buombene ariyo, komulogo buombe jowetene koni gi koni, to ariyo mamoko noumogo dende.

Ezekiel 1:24

Bende kane gihuyo ne awinjo ka buombegi kwadhore matek, machalo mana nam maduong’ ma wuo, kata jolweny mang’eny magoyo mahu, kata dwond Nyasaye Manyalo Gik Moko Duto. Kane gichung’ to buombegi ne lor piny,

Ezekiel 1:4

An Ezekiel, ne ating’o wang’a, mi aneno yamb ahiti ka kudho koa yo nyandwat. Bende ne aneno bor polo maduong’ kod mach mamil aruya gi ler mokwake koni gi koni, to e dier majno ne nitie gimori marieny ka mula.

Ezekiel 1:6

mak mana ni moro ka moro ne nigi lela wenge ang’wen kod buombe ang’wen.

Ezekiel 1:9

buombe ariyo mag moro ka moro noyarore, kamulo buomb jowetene koni gi koni. Kane gihuyo, to gidhi adhiya kaachiel, ma ok gilokore.

Ezekiel 10:16

Kane gidhi, to tiendego ne dhi kodgi, bende kane giyaro buombegi mondo gihu, to tiendego bende pod ne dhi adhiya kodgi.

Ezekiel 10:21

Kerubi ka kerubi ne nigi lela wenge ang’wen gi buombe ang’wen kod gima chalo gi lwet dhano e bwo buom ka buom.

Daniel 7:10

Mach nodhuolore kanyo mana ka aora mamol. Ne nitie ji gana gi gana kanyo matiyone, kendo ji tara gi tara mochung’ e nyime. Eka bura nochakore, mi oyar kitepe.

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Zekaria 3:4

Malaikano nowacho ni joma ochung’ e nyime niya, “Lonyneuru lewni mochidogo oko.” Eka nowacho ni Joshua niya, “Neye kaka asegolo richoni oko kuomi! Koro abiro rwaki gi lewni mabeyo.”

Luka 1:10

ka ji to lemo oko e kinde mane iwang’oe ubani.

Jo-Hibrania 1:7

Ka owuoyo kuom malaika to owacho niya, “Nyasaye loko malaikane yamo. Oloko jotichne ligek mach.”

Fweny 14:6

Eka ne aneno malaika moro ka huyo e kor polo. Ne en gi Wach Maber mochwere mondo oland ni joma odak e piny. Nolando wachno ni pinje duto, kod ogendini duto.

Fweny 4:8

Gik mangima ang’wen-go ne nigi bwombe auchiel moro ka moro, kendo ne gin gi wenge mang’eny e dendgi duto kendo e igi. Ne giwer odiechieng’ gotieno mak giling’ niya, “Mano kaka Ruoth Nyasaye Manyalo Gik Moko Duto ler! Oler adier! Yaye! Mano kaka oler! En e Jal mane nitie, kendo mantie, kendo mapod biro betie!”

Fweny 7:11

Eka malaika duto nochung’ koluoro kom duong’ gi jodongo kod gik mangima ang’wen-go, mi okulore piny nyaka e lowo e nyim kom duong’, mi gilamo Nyasaye,

Fweny 8:13

Eka nang’icho mi awinjo ongo ka huyo e kor polo kaywak matek niya, “Lit! Lit! Mano kaka unune malit, un joma odak e piny, nikech tunge modong’ ma malaika adek biro goyo!”