Isaya 6:13 - MUMA MALER 2015

¹³ Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Motingʼo Loko Manyien

¹³ Kata bedni achiel kuom apar mar jogi nodongʼ e piny, to gin bende notiekgi pep. To mana kaka yiende mag ngʼowu kod yiend ober motongʼ mowe osiki loth, kamano e kaka jo-Nyasaye mabiro dongʼ e piny nochal gosikino.”

Isaya 6:13 ပူးပေါင်းရင်းမြစ်များ

Chakruok 22:18

kendo ogendini duto mae piny nokwaya mondo aguedhgi kaka aseguedho nyikwayi. Magi duto notimre nikech iserito chikna.”

Ezra 9:2

Gisekendo nyi joma ok jo-Yahudi, ma koro odak e pinyni, kendo yawuotgi bende gisekendonigi nyi jogo. Kamano oganda maler mar Nyasaye osenywandore gi joma ok jo-Yahudi. To jotelo gi jodongo ema josebedo joketho moloyoe jomoko.”

Ezra 9:8

A Ruoth Nyasaye ma Nyasachwa, koro sani, kuom kinde matin, isebedonwa mang’won, kiweyo jowa moko tony, kendo isemiyowa kama wanyalo dakie e dalani maler. Iseduogo chunywa, kendo iweyonwa thuolo mondo dendwa oduogi e tuech ma wantieni.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 4:3

Eka jogo ma odong’ Jerusalem ma moro ka moro ondik nyinge e kitap ngima, noluong ni joma ler.

Ezekiel 6:8

“Anawe jomoko otony mak onegi, mi nakegi e pinje mamoko.

Amos 5:3

Ruoth Nyasaye owacho niya, “Dala Israel mane jolweny owuokie alufu achiel, biro duogoe mana ji mia kende. To mano mane owuokie ji mia achiel, biro duogo mana ji apar.”

Mika 5:6

mi giniketh piny Asuria gi lweny. Ginireswa ka jo-Asuria monjo pinywa.

Zefania 3:12

To joma nawe nobed joma odhier kendo mathagore.

Zekaria 13:8

An Ruoth Nyasaye awacho kama: “Mano biro timore e piny duto, mi ariyo kuom adek ibiro negi, to achiel kuom adek nowe ka ngima.

Malaki 2:15

Donge Nyasaye notimou ringruok achiel kendo chuny achiel kodgi? Donge otimo kamano mana ni mondo wabed gi nyithindo maluwo Nyasaye adier? Kuom mano, nyaka uritru mondo kik ng’ato kuomu keth singruok mane otimo ni dhako mane okendo ka en wuowi.

Mathayo 24:22

Ka dine Nyasaye ok osechano mondo ong’ad kar romb ndalogo, to onge ng’ama dotony. To Nyasaye nong’ad ndalogo nikech joma oyiero.

Mariko 13:20

Ka dine Ruoth ok osechano mondo ong’ad kar romb ndalogo, to onge ng’ama dotony. To oseng’ado ndalo, nikech joge owuon mane oyiero.

Jo-Rumi 9:5

Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

Rapar mar Chik 28:62

Kata obedo ni ung’eny ka sulue manie polo kamano, to ji manok kuomu kende ema nodong’ nikech ne ok uwinjo wach Ruoth Nyasaye ma Nyasachu.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.