Isaya 6:12 - MUMA MALER 2015

¹² ka Ruoth Nyasaye oseriembo ji duto mabor, mi piny Israel olokore gima ojwang’.

Motingʼo Loko Manyien

¹² bende nyaka ndalo ma Jehova Nyasaye oriemboe ji duto mabor ma piny odongʼ malich ka gunda.

Isaya 6:12 ပူးပေါင်းရင်းမြစ်များ

2 Ruodhi 25:11

Bang’e Nebukadnezar nomako ji duto mane odong’ Jerusalem motero Babulon, kaachiel gi joma ne oseringo modok ni ruodh Babulon, kod jotich molony mane pod odong’ kuno.

2 Ruodhi 25:21

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi, moter e tuech.

Isaya 13:12

Abiro miyo ji doko manok mana kaka dhahabu maberie moloyo migolo Ofir, nok.

Isaya 26:15

A Ruoth Nyasaye, inimed ogandawa. Ee, inimede kiyaro tong’ pinywa mondo nyingi oyud duong’.

Isaya 5:9

Ruoth Nyasaye Manyalo Gik Moko Duto osekuong’ore ka awinjo niya, Udi mang’eny nowe gunda, Adier, udi madongo mabeyo nodong’ nono ma onge joma odakie.

Jeremia 12:7

An Ruoth Nyasaye awacho niya, “Aseweyo ogandana mane ayiero, mi adagigi. Aseketo joga ma ahero e lwet wasikgi.

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Jeremia 4:29

Ka ji winjo ni joidh farese gi jo asere biro, to ng’ato ka ng’ato noringi. Jomoko noring odhi e bunge, to moko noidh lwendni, mi pond kuno. Mier duto nodong’ nono, ma onge ng’ama odakie.

Jeremia 52:27

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi moter e tuech.

Ywagruok 5:20

Ere gimomiyo ijwang’owa kuom ndalo mang’enygi? Bende wiyi diwil kodwa nyaka chieng’ koso?

Zefania 1:3

Abiro tieko dhano kaachiel gi le, bende abiro tieko winy ma e kor polo, kod rech ma e nam. Abiro goyo joma timbegi mono piny, mi atiek koth dhano chuth. An Ruoth Nyasaye ema awacho kamano.

Jo-Rumi 11:15

Kane Nyasaye owitogi, to mano e yo mane okelogo winjruok e kinde kod ji. To ka mano en adier, to donge ung’eyo ni korwakogi kendo, to mano nobed mana ka chier a kuom joma otho?

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.