Isaya 59:9 - MUMA MALER 2015

⁹ Mano ema omiyo adiera bor kodwa, kendo tim makare ok chop kuomwa. Wagombo mondo wane ler, to mudho lilo ema waneno. Adier, wadwaro mondo piny oru, to mudho mandiwa ema wawuothoe.

Motingʼo Loko Manyien

⁹ Omiyo ngʼado bura makare koro bor kodwa, kendo tim makare ok chop irwa. Wagombo ler, to mudho ema waneno; kendo wadwaro mondo piny oru, to mudho mandiwa ema wawuothoe.

Isaya 59:9 ပူးပေါင်းရင်းမြစ်များ

Ayub 19:8

Nyasaye osedinona yo, mi ok anyal kadho, kendo osemiyo mudho oimo yorena.

Ayub 30:26

Ne ageno yudo mor kod ler, to thagruok kod mudho ema ne obirona.

Zaburi 82:5

Mano kaka umemoru, kendo mano kaka ufuwo! Uwuotho mana e mudho, kendo adiera manie piny oselal.

Ngeche 4:19

Yor joricho to olil mana ka muth otieno.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Isaya 59:11

Wang’ur mana ka ondiegi, kendo waywagore malit mana ka tula. Wageno yudo adiera, to ok wayudi. Warito resruok to pod en mabor ahinya.

Isaya 59:14

Bura makare ogol oko, kendo tim makare ni kuma bor. Adiera bende onge kata mana e chirni, kendo bura makare orumo e ut bura chuth.

Isaya 59:8

Ok ging’eyo yo makelo kue, kendo adiera onge e timbegi. Bende yore duto ma giluwo ogondore ogondore, kendo ng’ama luwo yorego ok yud kue kata matin.

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 14:19

“A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Jeremia 8:15

Ne wageno kue, to mana kayiem nono. Bende ne wageno ni wabiro yudo resruok, to masira ema obwogowa.

Ywagruok 3:2

An e jal mane oriembo, mi ochuno mondo owuothi e mudho mandiwa.

Ywagruok 4:14

Ne gibayo ka muofni e wang’ yore ka gichadhore gi remo, ma ji ok nyal mulo lepgi.

Amos 8:9

Ruoth Nyasaye wacho niya, “Chieng’no nami chieng’ podhi odiechieng’ tir, mi piny lokre mudho ka chieng rieny ha.

Mika 1:12

Jo-Maroth twenyore malit ka rem ramo, kendo gidwaro resruok, nikech Ruoth Nyasaye osekelo masira machiegni gi dhoranga Jerusalem.

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.