Isaya 59:6 - MUMA MALER 2015

⁶ Mbupgi ok nyal chuego nanga, kendo onge ng’ama nyalo rwako gik ma gichueyo! Tichgi kelo mana chandruok, kendo lwetgi odich mana gi timbe mahundu.

Motingʼo Loko Manyien

⁶ Mbui margi ok nyal twangʼ-go nanga, bende ok ginyal umore giwegi gi gik ma giloso. Timbegi gin timbe richo; kendo timbe mag mahundu ni e lwetgi.

Isaya 59:6 ပူးပေါင်းရင်းမြစ်များ

Chakruok 6:11

Nyasaye noneno ni piny duto osekethore, kendo opong’ gi timbe mahundu.

Ayub 16:17

to ok asetimo tim mahundu, kendo alamo Nyasaye gi adiera duto.

Zaburi 55:11

Masira ni kuonde duto, bende yore mag dala opong’ gi weche maricho kod wuondruok.

Zaburi 58:2

Ooyo, ok utim kamano, to uparo mana richo ma udwaro timo, kendo utimo timbe mahundu e piny.

Isaya 30:1

Ruoth Nyasaye wacho niya, “Yaye, unune malit, un nyithinda ma jopiem! Uchano timo gik moko ma ok meka, bende utimo winjruok gi ogendini mamoko, to an ok ahero. Kamano umedo mana richo ewi richo!

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 57:12

To koro abiro kwedo timni marach ma iparo ni berno!

Isaya 58:4

Kuom mano tueyo chiemo ma utueyo, kelo mana miero gi lweny, kendo miyo ji goyo joma odhier adhong’. Emomiyo tueyo chiemo mutueyono, ok nomi winj dwondu e polo malo.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Jeremia 6:7

Kaka pi soko bubni pile, e kaka richo Jerusalem bende osiko ka bubni. Dalano opong’ gi lweny kod masiche, kendo tuoche gi adhonde ema aneno kanyo.

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Ezekiel 7:11

Timbe mahundu bende osemedore marach, to onge joricho mabiro dong’. Mwandugi kod duong’gi bende biro rumo.

Ezekiel 7:23

“Losuru ni joga nyoroche, nikech nek opong’o piny, kendo mier otimo mahundu lilo.

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 6:3

Un joma ok odewo ni chieng’ bura biro, to urikni mana kutimo timbe mahundu!

Mika 2:8

To Ruoth Nyasaye dwoko niya, “To donge un ema uselokoru wasik joga? Joma duogo gi kue kaa e lweny ka paro ni masira orumo, umayo lopegi.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

Zefania 3:1

Mano wach malit manade kuom dala Jerusalem, ma jasand ji, kendo monyorore ma japiem!

Malaki 2:16

Ruoth Nyasaye Manyaalo Gik Moko Duto ma Nyasach Israel owacho niya, “Amon gi weruok manie kind dhako gi chwore. Ok berna ka ng’ato timo gima rach kamano ni chiege. Emomiyo ritreuru mondo ng’ato ka ng’ato kuomu kik tim gima rach kamano ni chiege.”