Isaya 59:21 - MUMA MALER 2015

²¹ To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Motingʼo Loko Manyien

²¹ Jehova Nyasaye wacho niya, “Akwongʼora ni ma e singruokna kodgi. Roho mara man kuomu kod wechena ma aseketo e dhou nosik kodu chakre kawuono nyaka tiengʼ mabiro bangʼu koa kuom nyikwau kadhi nyaka kuom nyithindgi, wach ok nowuogi e dhog-gi ndalo duto nyaka chiengʼ,” Jehova Nyasaye ema owacho.

Isaya 59:21 ပူးပေါင်းရင်းမြစ်များ

Zaburi 119:43

Miya teko mondo ahul wachni maradiera kinde duto, nikech genona ni kuom buche ming’ado.

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Ngeche 7:3

Rwakgi ka tere e lith lweti, kendo ndikgi e chunyi mondo ipargi pile.

Isaya 32:15

nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Isaya 40:8

Adier, lum two, maua bende ner, to wach Nyasachwa to osiko nyaka chieng’.’ ”

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Isaya 54:10

Kata da bed ni gode madongo lal nono, kendo gode matindo gol, to an herana ok nolal nono, bende singruok mar kue mane atimo ok nogol kuomi. An Ruoth Nyasaye ma kechoi ema awacho kamano.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 57:19

An Ruoth Nyasaye awacho niya, “Kue mondo obedie ni joma ni mabor, kendo ni joma ni machiegni, nikech abiro changogi.

Isaya 66:22

Kaka polo manyien gi piny manyien nosiki e nyima, e kaka dhoodu gi nyingu bende nosiki. An Ruoth Nyasaye ema awacho kamano.

Jeremia 1:9

Bang’e Ruoth Nyasaye notero lwete, momulo dhoga, kowachona niya, “Eri, aketo wechena e dhogi.

Johana 1:33

Ne ok ang’eyo ng’atno, to Jal mane oora mondo abatis ji gi pi nosewachona, ‘Jal ma inine ka Roho olor mobet kuome, e jal ma batiso ji gi Roho Maler.’

Johana 17:8

Asehulonigi wach mane imiya, mi girwako, kendo giseng’eyo maonge kiawa ni ne aa iri adier, bende giseyie ni in ema ne iora.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 7:39

To Yesu ne oloso kuom Roho, ma ji duto moyie kuome ne biro yudo. To e kindeno Roho ne pok obiro, nikech Yesu ne pok oyudo duong’ne.

Johana 8:38

An awachonu gik ma aseneno kuom Wuora, to un utimo gik ma useneno kuom wuoru!”

Jo-Rumi 11:27

Mano e singruok ma anatim kodgi ka agolo richogi.”

Jo-Rumi 8:9

Ka Roho mar Nyasaye odak e iu, to ok unyal timo gik ma ngima mar dhano dwaro, to utimo mana gik ma Roho dwaro, kendo ka ng’ato onge gi Roho mar Kristo, to ok en ng’ate.

2 Jo-Korintho 3:8

Koro gima Roho kelo donge nyaka bed gi ler maduong’ moloyo koso?

Jo-Hibrania 10:16

“Singruok ma anatim kodgi bang’ ndalogo e ma: Anaket chikena e chunygi, kendo anandikgi e parogi. An Ruoth Nyasaye ema awacho kamano.”