Isaya 59:2 - MUMA MALER 2015

² to richou ema opogo kindu gi Nyasachu. Adier, richou ema osemiyo opandonu wang’e, mondo kik owinj kwayou.

Motingʼo Loko Manyien

² To richou ema osepogou gi Nyasachu; richou ema omiyo osepandonu wangʼe mondo kik owinju.

Isaya 59:2 ပူးပေါင်းရင်းမြစ်များ

Ngeche 15:29

Ka joma kare lemo, to Ruoth Nyasaye winjo. Joricho to ok dew.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Isaya 58:4

Kuom mano tueyo chiemo ma utueyo, kelo mana miero gi lweny, kendo miyo ji goyo joma odhier adhong’. Emomiyo tueyo chiemo mutueyono, ok nomi winj dwondu e polo malo.

Jeremia 5:25

To timbeu maricho oseketho gigo, kendo richou osemono gik mabeyo ma kamago bironu.

Ywagruok 1:8

Jerusalem ne timo richo mang’eny malich, mi olokore mana ka nanga mochido mowiti, kendo ji duto mane miye duong’ tinde ochaye, nikech giseneno duge. Koro ere gima dotim, mak mana omo chunye, kendo loko wang’e kucha?

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Joshua 7:11

Jo-Israel oseketho! Ok giserito chik mane amiyogi, to gisekwalo gik mokwer, kendo giriwogi gi mekgi.

1 Samuel 4:3

Kane jolweny oduogo e kambi, jodong Israel nopenjore niya, “Marang’o Ruoth Nyasaye omiyo jo-Filistia oloyowa kawuono? Wadhiuru Shilo waom Sandug Muma mar Ruoth Nyasaye wabedgo, mondo oreswa e lwet wasikwa.”