Isaya 59:18 - MUMA MALER 2015

¹⁸ Obiro timo ni ng’ato ka ng’ato mana gima oromo gi timbene. Ee, obiro kumo wasike gi mirima mager, kata mana mago modak e dhonembe gi chulni.

Motingʼo Loko Manyien

¹⁸ Obiro chulo ngʼato ka ngʼato mana moromore gi timbene, obiro kumo wasike duto gi mirima mager kendo obiro kumo joma odakie dho nembe.

Isaya 59:18 ပူးပေါင်းရင်းမြစ်များ

Ayub 34:11

Ooyo, omiyo ji pok maromo gi timbegi, kendo otimonigi mana kaka owinjore kodgi.

Zaburi 62:12

kendo ni herane osiko mochwere. A Ruoth Nyasaye in iwuon imiyo ng’ato ka ng’ato, pok maromre gi timne.

Isaya 1:24

Omiyo Ruoth Nyasaye ma Nyakalaga, ma en Ng’ama Nyalo Gik Moko Duto mar Israel, wacho niya,

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 40:10

Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Isaya 49:4

Chon ne awacho ni asetiyo matek kayiem nono, kendo ni aseketho tekra to onge gima ayudo. To kara Ruoth Nyasaye biro ng’ado bucha kare, kendo pokna mana ni e lwete.

Isaya 63:3

“Gikwar kamano nikech asenyono mzabibu kenda kar bicho. Onge ng’ato kata achiel kuom ogendini mane ni koda. Ne anyono wasika piny ka akecho. Adier, ne anyonogi ka an gi mirima mager, mi rembgi okirore e lepa. Mano ema omiyo lepa duto otimo remo.

Isaya 63:6

Ne anyono ogendini piny ka akecho. Ee, ne atong’ogi atong’ogi, mi rembgi obubni piny.”

Isaya 65:6

Neuru! Wachno osendiki e nyima. Ok abi ling’, to abiro kumou kuom richou, kaachiel gi richo mag wuoneu. An Ruoth Nyasaye ema awacho kamano.

Isaya 65:7

Ne uwang’o ubani e gode duto madongo gi matindo, kukweda, omiyo abiro kwongo pimo pok monego uyudi, eka achulu kaka owinjore!”

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Isaya 66:6

Winjuru! Tulo omuoch e dala Jerusalem. Koko winjore e Hekalu! En dwond Ruoth Nyasaye makumo wasike gi kum mowinjore kodgi.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 23:49

To un nyimine ariyo, abiro kumou kuom timbeu mag dwanyruok kod richou mar lamo nyiseche manono. Eka unung’e ni an e Ruoth Nyasaye.”

Ezekiel 38:18

Ruoth Nyasaye nowacho bende niya, “Chieng’ ma Gog nomonjie Israel, mirima mager nomaka.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Ezekiel 6:12

Joma ni kuonde maboyo, tuo ema noneg, to man machiegni notho e lweny. Mago modong’ to kech ema nonegi. Kamano anakumgi gi mirimba mager.

Joel 3:4

“Un jo-Turo gi jo-Sidon kod jo-Filistia duto, ang’o mutimonani? Udwaro chulona kuor koso? Ka kamano, to kuor mudwaro chulono abiro dwoko e wiu uwegi ka diemo wang’.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

Luka 21:22

nimar mago nobed ndalo ma Nyasaye kumoe joge, mondo weche duto mondiki e Muma otimre.

Jo-Rumi 2:6

Chieng’no nomi ng’ato ka ng’ato pok moromo gi timne.

Rapar mar Chik 32:41

kasepiago ligangla mamil, to anachul kuor ni wasika, kendo kasechako ng’ado bura, to anakum jogo mochaya.

Rapar mar Chik 7:10

To jogo mochaye kendo ma ok ohere, otieko chuth piyopiyo ma ok odeko.

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.