Isaya 59:15 - MUMA MALER 2015

¹⁵ Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Motingʼo Loko Manyien

¹⁵ Adiera ok nyal yudi, kendo ngʼat motangʼ ne richo chuny ji ojokgo. Jehova Nyasaye norangogi kendo nokecho nikech ngʼado bura makare onge kuomgi.

Isaya 59:15 ပူးပေါင်းရင်းမြစ်များ

Chakruok 38:10

Gima notimono ne rach ni Ruoth Nyasaye, omiyo en bende Ruoth Nyasaye nonege.

2 Samuel 11:27

To kane ndalo ywakne orumo, Daudi nooro joote moome, kendo nobedo chiege, monywolone wuowi. To gima ne Daudi otimono ne ok long’o ni Ruoth Nyasaye.

2 Ruodhi 9:11

Kane Jehu owuok, modok ir jodong ruodhe, ne gipenje niya, “Ere wach? Janekono nobiro iri nang’o?” Nodwokogi niya, “Ung’eyo kaka ng’atno wuoyo!”

2 Weche mag Ndalo 21:7

To kata kamano Ruoth Nyasaye ne ok otieko dhood Daudi, nikech nosesingorene kaachiel gi nyikwaye ni anywolane nobed e kom duong’ ka taya malielne nyaka chieng’.

Zaburi 5:9

Adiera onge e dho wasika. Kethruok kende ema nie chunygi. Dhogi chalo gi bur mong’amo dhoge, kendo gipero ji apera gi dhogi.

Isaya 1:21

Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Isaya 10:2

Utamo joma odhier e adiera, kendo umayo joga ma jochan gik monego giyudi, bende uyako mond liete kod nyithi kiye.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 46:12

Winjauru, un joma chunygi tek, ma paro ni resruok pod bor.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Isaya 5:23

ubiro yudo kum, nimar uweyo joketho nikech asoya, to joma onge ketho ema utamo e adiera monego giyudi!

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Isaya 65:12

aseng’adonu buch tho, kendo uduto ibiro negu, nikech ne aluongou, to ne ok udwoka, bende ne alosonu, to ne udagi winja. To ne utimo timbe mamono ma ok ayiego, kuyiero mana gik ma adagi.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 29:26

‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Jeremia 7:28

Eka bang’e ininyisgi niya, ‘Ogandani odagi winjo wach Ruoth Nyasaye ma Nyasachgi, kendo ok giyie mondo opuonjgi. Ok ginyal wacho adiera, nikech adiera oselalnigi.’

Ywagruok 3:36

kata ketho buch ng’ato kiyalo.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Amos 5:10

Un to umon gi ng’ama odonjo ni jaketho, kendo uchayo ng’at mawacho adiera.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Mariko 3:21

Kane owetene owinjo wachno, ne giwuok mondo gidhi giome, nikech ji ne wacho ni neko osemake.

Johana 10:20

Ji mang’eny kuomgi nowacho ni, “Jachien ni kode, kendo ojaneko! Ang’o momiyo uchiko itu ne wechene?”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

Tich Joote 26:24

To kane Paulo oyudo dwoko wach kamano, Festo nokokne niya, “Paulo, neko omaki! Puonjruok mang’eny osemiyi neko.”

Tich Joote 9:1

E ndalogo Saulo ne pod siemo jopuonjre mag Ruoth, kodwaro negogi. Ne odhi ir jadolo maduong’,

Tich Joote 9:23

Bang’e achien, ne gipimo wach mondo ginege,

Jo-Rumi 8:36

Adier, mago timorenwa mana kaka Muma wacho niya, “Inegowa seche duto nikech in, kendo wachalo mana gi rombe midwaro yang’o.”

2 Jo-Korintho 5:13

Ka neko omakowa, to en nikech Nyasaye, to ka parowa ni kare, to en nikech un,