Isaya 59:12 - MUMA MALER 2015

¹² Richowa osebedo ka medore ameda e nyim Nyasaye. Chutho timbewa mamono ema nyiso ni wan joricho. Wang’eyo timbewa mamono kendo waparogi.

Motingʼo Loko Manyien

¹² Nimar timbewa mamono opongʼo wangʼi kendo richowa elore e lela. Timbewa marichogo osiko kodwa kendo wayie timbewa mamonogo, ma gin:

Isaya 59:12 ပူးပေါင်းရင်းမြစ်များ

Ezra 9:13

“A Nyasachwa, nikumowa kuom richowa kendo kuom kethowa maduong’. Kata kamano ne ok ikumowa maromre gi richowago, to niweyo jowa moko otony, mi wabedo thuolo kaka koroni.

Ezra 9:6

“A Nyasachwa, wiya okuot ma ok anyal hedhora ting’o wiya malo, nimar wasenyumore e richo, kendo kethowa osebedo maduong’, motundo e polo malo.

Nehemia 9:33

Isebedo ng’at makare kendo ma jaadiera kuom gik moko duto mosetimorenwa, to wan ema wasebedo kwatimo marach.

Zaburi 51:3

Ayie ni timbena mono, kendo gichando chunya seche duto.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Isaya 64:4

It pok owinjo kata wang’ pok oneno nyasaye moro ma rito joge mogeno kuome, to mak mana in.

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Jeremia 3:2

Ranguru wi gode malo mondo uneye, bende nitie kamoro ma pok ulemoe kudwanyoru? Uchalo dhako ma jachode ma obet e bath yo karito chwo, kata ka ja-Arabu ma jamecho mopondo e thim, kakiyo joma odwaro yako. Usedwanyo piny gi timbeu maricho machalo timbe chode.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Ezekiel 7:16

Kata ka moko notony mi dhi e gode, ka akuche maluor, to ginitho kuro nikech richogi.

Ezekiel 7:23

“Losuru ni joga nyoroche, nikech nek opong’o piny, kendo mier otimo mahundu lilo.

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Hosea 5:5

Sunga ma jo-Israel nigo nyiso ni gin joricho. Richogigo miyo gichwanyore kendo gipodho, mi jo-Juda bende podho kodgi.

Hosea 7:10

Sunga ma jo-Israel nigo nyiso ni gin joricho, to kata kamano, pod gitamore duogo ira, an Ruoth Nyasachgi.

Habakuk 1:4

Kuom mano ji ok luw chik, kendo buche ok yal gi adiera, nimar joma timbegi mono thoth, mohewo joma kare. Mano emomiyo adiera iloko aloka.

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.