Isaya 58:5 - MUMA MALER 2015

⁵ Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Motingʼo Loko Manyien

⁵ Bende ma e kit tweyo chiemo ma aseyiero, ma ngʼato hore mana odiechiengʼ achiel kende? Koso en mana ka ngʼama okuyo kokulo wiye ka odundu mayamo yuko kata ngʼama onindo e pien gugru kotimo buru? Bende mano e gima uluongo ni tweyo chiemo ma en odiechiengʼ mowal ne Jehova Nyasaye.

Isaya 58:5 ပူးပေါင်းရင်းမြစ်များ

2 Ruodhi 6:30

Kane ruoth owinjo wach dhakono, noyiecho lepe. (Wachno notimore ka ruoth wuotho ewi ohinga, mi ji nong’iye, moneno ni pien gugru ema orwako ei lepe.)

2 Weche mag Ndalo 20:3

Luoro nomako Jehoshafat, moketo chunye ni kwayo Ruoth Nyasaye, kendo nochiko jo-Juda duto mondo otue chiemo.

Ezra 10:6

Eka Ezra noa e nyim Od Nyasaye, modhi e od Jehohanan nyakwar Eliashib, monindo kuno. To ne ok ochamo gimoro kata pi ne ok omodho, nimar noywak nikech richo mane joma oa e tuech otimo.

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Ayub 2:8

Ayub nodhi mobet e buch kendo, mi okawo mbalatago mondo ogwonyrego.

Zaburi 69:13

A Ruoth Nyasaye, an to abiro lami. Dwoka, yaye Nyasaye, e sa asaya mihero, nikech herani duong’, kendo nimar irito singruok mane itimo ni niwar ji.

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 58:3

Gipenja niya, “Ere gima omiyo watueyo chiemo ka in to ok ine mano? Koso ang’o momiyo wasandore ka in to ok ine?” An to adwokogi niya, “Winjuru! Chieng’ ma utueyo chiemo, to utimo gik ma un uwegi ema udwaro, kendo jotichu ema uturo gi tich matek.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Tim jo-Lawi 16:29

Koro chik momakou nyaka chieng’ e ma: Due apar mar due mar abiriyo, un jo-Israel kaachiel gi jopinje mamoko modak kuomu, nyaka utue chiemo, kendo kik uti tich moro,

Tim jo-Lawi 16:31

Chieng’no en chieng’ Sabato moyiedhi ma nyaka uyueye, kendo nyaka utueye chiemo. En chik momakou nyaka chieng’.

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Mathayo 6:16

“Ka utueyo chiemo, to kik ujuond wang’u kaka joma wuondore ni ohero Nyasaye timo, nikech gin gijuondo wang’gi mondo ji one maonge kiawa ni gitueyo chiemo. Adier awachonu ni gin giseyudo pokgi.

Luka 4:19

kendo oseora mondo ahul ni, ma e higa ma Ruoth Nyasaye biro resoe joge.”

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,