Isaya 58:4 - MUMA MALER 2015

⁴ Kuom mano tueyo chiemo ma utueyo, kelo mana miero gi lweny, kendo miyo ji goyo joma odhier adhong’. Emomiyo tueyo chiemo mutueyono, ok nomi winj dwondu e polo malo.

Motingʼo Loko Manyien

⁴ Tweyo chiemo maru rumo mana gi dhawo kod chuny malit, bende miyo ugoru e kindu uwegi. Ok unyal tweyo chiemo kaka utimo e ndalogi kuparo ni lemou nowinj e polo malo.

Isaya 58:4 ပူးပေါင်းရင်းမြစ်များ

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Isaya 59:2

to richou ema opogo kindu gi Nyasachu. Adier, richou ema osemiyo opandonu wang’e, mondo kik owinj kwayou.

Isaya 59:6

Mbupgi ok nyal chuego nanga, kendo onge ng’ama nyalo rwako gik ma gichueyo! Tichgi kelo mana chandruok, kendo lwetgi odich mana gi timbe mahundu.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Jona 3:7

Ruoth gi jodonge nogoyo milome e Nineve duto niya, “Onge dhano kata chiayo ma nobil chiemo kata dhi e kwath, kata mana modho pi.

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Luka 20:47

Gin joma yako ut mond liete, ka giriasore gi lemo moyware. Gininwang’ kum marach moloyo!”

Johana 18:28

Ne gigolo Yesu e dala Kaiafa, mi gitero e od bura mar ruoth. Ne en okinyi mang’ich. To jo-Yahudi ne ok odonjo e odno, nikech ne ok gidwar bedo mogak, ma dimon-gi chamo Pasaka.