Isaya 58:14 - MUMA MALER 2015

¹⁴ to unubed moil kuom Ruoth Nyasaye, kendo enoteru ewi piny kama oting’ore, ka ulocho, bende enomiu mwandu mane osingore ni nomi Jakobo kwaru. Ruoth Nyasaye ema owacho kamano.

Motingʼo Loko Manyien

¹⁴ eka unubed moil kuom Jehova Nyasaye, mi oteru ewi piny kama otingʼore, bende nomiu chiemo kar mwandu mane osingore ne Jakobo kwaru.” Jehova Nyasaye ema owacho.

Isaya 58:14 ပူးပေါင်းရင်းမြစ်များ

Ayub 22:26

Bang’e ibiro geno kuom Nyasaye pile, kendo ibiro yudo ni en e tiend mor ma in go.

Ayub 27:10

Ne onego ginyis ni giyudo mor kuom tiyo ni Nyasaye, bende nonego gibed ka gilame pile!

Ayub 34:9

Bende owacho ni onge gima ng’ato yudo kuom timo dwaro mar Nyasaye.

Zaburi 135:12

Piny jogo ne omiyo joge Israel mondo obed mwandugi.

Zaburi 136:21

Ne okawo pinygi, momiyo joge Israel,

Zaburi 36:8

Gichamo chiemb odi mogundho mi giyieng’, kendo imiyo gimodho e aora mar berni.

Zaburi 37:11

To joma muol ema nobed weg piny, kendo giniyud mor maduong’ ka gidak gi kue.

Zaburi 37:4

Onego iyud mor mana kuom Ruoth Nyasaye, eka omiyi gik ma idwaro.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Isaya 34:16

Somuru kitap Ruoth Nyasaye, to ubiro yudo ni onge achiel kuom gigo ma nobed maonge, kendo roho mare ema nochokgi.

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Ezekiel 36:2

Wasik Israel ne ogoyonigi siboi, kawacho ni gode machon tinde gin maggi.

Mika 4:4

To ng’ato ka ng’ato nodag e dalane gi kue, koyueyo e tipo yiend mzabibu mare kod ng’ope, ma onge gima goye kibaji. Ruoth Nyasaye Manyalo Gik Moko Duto ema osesingore kamano.

Mathayo 24:35

Polo gi piny norum. Wechena to ok norum ngang’.

Rapar mar Chik 32:13

Nomiyo giidho gode mag piny, kendo omiyo gichamo gik manyak e lowo. Nomiyo gichamo mor kich mothodhi e kind lwanda, kod mor zeituni manyak e lowo motimo kite.

Rapar mar Chik 33:29

Ere joma mor ka un, un jo-Israel ma Ruoth Nyasaye owaro! Ruoth Nyasaye e kuot mogeng’ou, kendo en e liganglau mar duong’. Wasiku mondo obolrenu, kendo unyon hembko maggi gi tiendu.”

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,