Isaya 58:12 - MUMA MALER 2015

¹² “Nyithindu munywolo nochak oger kuonde ma nodong’ gundni mana ewi mise machon, mi noluongu ni, joger ohinga momukore, kendo ni, jolos udi mane okethi.”

Motingʼo Loko Manyien

¹² Jou ema nochak oger kuondeu mane omukore, kendo gini gedi ewi mise machon mane oketi, mi noluongi ni Jager Ohinga mane Omukore kendo ni Jalos Yore Matindo mane ji odakie.

Isaya 58:12 ပူးပေါင်းရင်းမြစ်များ

Nehemia 2:17

To bang’e nawachonigi niya, “Uneno masira ma wantieni, ka Jerusalem odong’ gunda, kendo rangeyene owang’ gi mach. Koro biuru walos ohinga mar Jerusalem mondo wich kuot ma wan go orum.”

Nehemia 2:5

mi awacho ni ruoth niya, “Ka long’oni, kendo kiyie koda, to yie adhi Juda, nyaka dala moyikie kwerena, mondo achak agere kendo.”

Nehemia 6:1

Sanbalat gi Tobia gi Geshem ja-Arabi kod wasikwa mamoko nowinjo ni wasetieko gero ohinga, ma onge kamoro momukore modong’, kata obedo ni ne pok aketo thike mag dhorangeye.

Ayub 3:14

kanindo kaachiel gi ruodhi kod jodonggi mosetho mane ogero udi madongo mabeyo.

Isaya 30:13

omiyo richouno biro chalonu okak manie ohinga mabor, ma miyo ohinga barore tiarara, kendo podho ka diemo wang’,

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 61:4

Ginichak giger kuonde mane omukore, kendo ginichak gilos mier mane okethore chon. Adier, ginilos mier mane okethore, modong’ gundni kuom higni mang’eny,

Jeremia 31:38

Ruoth Nyasaye wacho niya, “Ndalo biro ma nochak ogerie dalani, chakre kama oger mabor mar ng’icho mar Hananel kochiko yo podho chieng’, nyaka rangach man kama ohinga gomogo.

Ezekiel 13:5

Ok gidhi mondo gilos kuonde ma ohinga omukoree e piny Israel, omiyo ok ubi siro lweny, chieng’ Ruoth Nyasaye.

Ezekiel 36:33

“An Ruoth Nyasaye awacho niya, ‘Ka apwodhou kuom richou duto, to anami uchak udag e miechu, mi uger kuonde mane omukore.

Ezekiel 36:4

Kuom mano, un gode mag Israel, winjuru gima an Ruoth Nyasaye awacho ni gode madongo gi matindo kendo ni aore kod holni, kaachiel gi kuonde mane owe kokethore kod mier mane odong’ gundni, mane ogendini mokiewo gi jo-Israel oyako kendo onyiero.

Daniel 9:25

Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.

Mika 7:11

E ndalo gogo, un jo-Jerusalem unuchak uger ohingau, kendo unuyar tong’ pinyu,