Isaya 57:5 - MUMA MALER 2015

⁵ Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Motingʼo Loko Manyien

⁵ Uoworu gi gombo manono ka un e tiend yiend ober kod yiende mamoko motimo otiep; kendo kanyo ema uwangʼoe nyithindu ka misengini e holni kendo e kuonde rogo.

Isaya 57:5 ပူးပေါင်းရင်းမြစ်များ

1 Ruodhi 14:23

Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

2 Ruodhi 17:10

Ne gichungo sirni milamo mag kite gi mag yien ewi gode maboyo duto, kendo yiend yath moro amora motimo otiep.

2 Ruodhi 17:7

Mano notimore nikech timbe jo-Israel ne ok long’o e nyim Ruoth Nyasaye mane ogologi e piny Misri e bwo loch Farao.

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Weche mag Ndalo 28:3

Nowang’o ubani e holo mar Ben-hirom, kendo nowang’o yawuote ka misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

Wuok 32:6

Kinyne ji nochiew gokinyi mang’ich, motimo lisweche miwang’o pep, kendo ne gikelo lisweche mag sawo. Ne gibet piny mondo gichiem, kendo gimethi, to bang’e ne gia malo mondo gitugi.

Isaya 1:29

Tinde umor kulemo e tiend yien madongo, kendo kutimo misengni e puothe mowal ni tijno, to achien wiu nokuodi.

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 50:38

Oro ochopo e pinye, kendo miyo aorene duono. Mago duto otimore nikech Babulon en piny milamoe nyiseche makuero, mabwogo ji, kendo miyo ji fuwo.

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Jeremia 7:31

Gisegero kendo-mar-misango miluongo ni Tofeth e holo Benhinom mondo giwang’ie yawuotgi gi nyigi ka misango. To ne ok achikogi mondo gitim kamano, bende wach ma kamano ne ok aparo kata matin!

Ezekiel 16:20

“Bang’e ne ikawo yawuowi kod nyiri mane isenywolona, mi ichiwo ka misango ni nyiseche manono. Iparo ni wech mane iweyago ne gima tin,

Ezekiel 20:26

Ne amiyo gibedo mogak kuom gik mane gichiwo ni nyiseche manono, kendo kuom chiwo misango gi yawuotgi makayo. Ne atimo kamano mondo abwoggigo, mi ging’e ni an e Ruoth Nyasaye.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 20:31

Kata kawuono ka uchiwo mich kendo ka uwang’o yawuotu ka misango, to pod udhogoru mana gi nyiseche manono. To eka un jo-Israel pod uparo mana ni anyalo yie mondo upenja wach! To kaka an Ruoth Nyasaye mangima, ok ayienu mondo upenja gimoro kata matin!

Ezekiel 6:13

Bang’e ringre joma otho noriere e kind nyisechegi manono, but kendegi mag misango, ewi gode matindo gi madongo, kendo e bwo yien duto motimo otiep, ma tiende ni kuonde duto mane giwang’oe ubani mang’ue ng’ar ni nyisechegi. Eka ng’ato ka ng’ato nong’e ni an e Ruoth Nyasaye.

Tim jo-Lawi 18:21

Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye.

Kwan 25:6

Noyudo ja-Israel moro okelo nyar Midian e hembe ratiro ka Musa kod oganda duto neno, ka noyudo giywak e dho Hemb Romo.

Rapar mar Chik 12:2

Nyaka uketh chuth kuonde ma ogendini mubiro riembogo lamoe nyisechegi, kata ka gin ewi gode maboyo kata ewi gode matindo, kata mana ka gin e tiend yath moro amora motimo otiep.

Fweny 18:3

Mano osetimore nikech ogendini duto osemadho divai makech mag terruokne. Ruodhi mag piny oseterore kode, kendo joohala mag piny bende osedoko jomwandu nikech ohala ma ngimane mamalo osekelonigi.”