Isaya 57:18 - MUMA MALER 2015

¹⁸ Aseneno timbegi, to pod abiro mana changogi, mi aho chunygi, kendo amigi yueyo maber, bende anakue chuny jogi maywak.”

Motingʼo Loko Manyien

¹⁸ Aseneno yorene to kata kamano abiro change; abiro nyise yo kendo aho chunye;

Isaya 57:18 ပူးပေါင်းရင်းမြစ်များ

Zaburi 23:2

En ema omiyo anindo e lum mang’ich kendo otera modho pi mokue.

Zaburi 51:12

Duogna mor mane an-go kane iwara, kendo mi chunya obed gi luor.

Zaburi 94:19

Ka an gi parruok kendo kihondko omaka, to ikueyo chunya, kendo imiya bedo mamor.

Eklesiastes 9:4

To kata kamano, ng’ato ang’ata mapod ngima e pinyni nigi gima ogeno, nimar ber bedo guok mangima, moloyo bedo sibuor motho!

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 19:22

Ruoth Nyasaye nogo jo-Misri, to kata kamano, enochanggi mana e kinde ma ogoyogieno. Pile ka giduogo ire, to enowinj kwayogi, mi ochanggi.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 30:26

Chieng’no due nobed karieny maler ka wang’chieng’ kendo wang’ chieng’ nobed ka rieny maler nyadibiriyo moloyo kaka orieny pile. Nochal mana gi ler mar ndalo abiriyo moriw e odiechieng’ achiel! En chieng’ ma Ruoth Nyasaye nochomie tiende joge kod bedegi motur, kendo ochangie adhondegi.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 52:12

To ok unuwuog kurikni, kendo ok noriembu, nikech Ruoth Nyasaye ma Nyasach Israel ema biro telo nyimu, kendo en bende ema obiro dong’nu chien.

Isaya 53:5

to kara ne ochwowe mana nikech kethowa. Ee, ne osande nikech richowa. Sand mane oyudo ema kelonwa kue, kendo wachango nikech chwat mane ochwadego.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 30:17

Kata obedo ni wasiku wacho niya, ‘Sayun osejwang’ kendo onge ng’ama dewe,’ to anami uchak ubed mangima, kendo anachang adhondeu.”

Jeremia 31:3

omiyo ne athinyoranigi gi kuma bor. Kinde duto asebedo ka aherou, un jo-Israel, kendo pod asiko ka aherou mochwere.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Zekaria 1:13

Ruoth Nyasaye nodwoko malaika mane osebedo kawuoyo koda, kohoyo chunye gi weche mabeyo.

Luka 15:20

“Kamano noa malo, mochako wuoth madok ka wuon mare. To kane pod en mabor gi dala, wuon mare nonene. Nokeche, mi oringo okwake, monyodhe.

Jo-Rumi 5:20

Chik nobiro, mi ketho omedore. To kama richo nomedoree, ng’wono nomedoree moloyo,

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”