Isaya 57:14 - MUMA MALER 2015

¹⁴ Bang’e unuwinj dwol ka wacho niya, “Buguru ndara. Bugeuru, kendo loseuru maber, kugolo gik moko duto ma dichwany joga.”

Motingʼo Loko Manyien

¹⁴ Kendo enowach niya: “Buguru yo, bugeuru kendo ulose maber! Goluru gik madichwany joga e yo.”

Isaya 57:14 ပူးပေါင်းရင်းမြစ်များ

Zaburi 68:4

Weruru ni Nyasaye! Pakuru nyinge gi wer. Ee, denduru Ng’ama ringo gi gache e boche polo. Nyinge en Ruoth Nyasaye. Beduru mamor e nyime.

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 40:3

Dwol moro kok niya, “Losuru ni Ruoth Nyasaye yo e thim. Losuru ni Nyasachwa ndara mopie e piny motwo.

Isaya 49:11

Anami gode duto lokre yore, kendo anabug yorena madongo duto maber.

Isaya 62:10

Wuoguru! Wuoguru e dhorangach mondo ulos ni joga yo. Buguru yo. Bugeuru maber, kendo goluru kite. Bang’e ting’uru bandera mondo ji one.

Jeremia 18:15

To joga wigi osewil koda, kendo giwang’o ubani ni kido manono. Gisechwanyore mi giweyo wang’yo ma onego giluw, mi koro ok giluw yore machon, to giwuotho e yore mogondore ma ok opa.

Jo-Rumi 14:13

Kuom mano mondo waweuru ng’ado ni jowadwa bura. To keturu chunyu mondo une ni ok utimo gimoro manyalo miyo owadu podhi, kata ma dimi otim richo.

1 Jo-Korintho 1:23

Wan to walando wach Kristo mane ogur e msalaba. En wach ma chwanyo chuny jo-Yahudi, to joma ok jo-Yahudi to kwane ka wach mofuwo.

1 Jo-Korintho 8:13

Omiyo ka wach chiemo ema miyo owadwa donjo e richo, to kara ok nachak acham ring’o mondo kik ami owadwa lal.

1 Jo-Korintho 8:9

To ritreuru mondo gik mutimo kik mi joma chunygi nyap donji e richo.

2 Jo-Korintho 6:3

Ok wadwar timo gimoro ma dichwany ng’ato, nikech dipo ka tichwa oyudo achaye.

Jo-Hibrania 12:13

Losuru yore muluwo ochikre tir, eka tiendeu malit ok nowil, to nochangi.