Isaya 57:10 - MUMA MALER 2015

¹⁰ Kata obedo ni ne iol gi wuoth mabor kamano, to ne ok iwacho niya, “Gima atimoni onge gi tiende.” Ne ineno ka tekoni oduogo, mi ok inyisori.

Motingʼo Loko Manyien

¹⁰ Kata nobedo ni timbegi mamono duto nooli kamano; to ne ok inyal wacho ni, ‘Gionge tich.’ Nibedo gi teko kendo omiyo chunyi ne ok onyosore.

Isaya 57:10 ပူးပေါင်းရင်းမြစ်များ

Isaya 47:13

Isechandori gi jogi mang’adoni rieko kuom ndalo mang’eny, to koro we jokor wach ma rango polo gi sulue, kendo manyisi gik mabiro timore due ka duego, otim ane chir mondo oresi, ka ginyalo!

Jeremia 18:12

To gibiro dwoki niya, ‘Ok wanyal loko timbewa! Wabiro timo mana gima wahero, ka ng’ato ka ng’ato timo mana gima wiye omiye.’

Jeremia 2:25

Un jo Israel kik uwe tiendeu dok malit, kata kik uwe dwondu two, kuringo bang’ nyiseche manono. To uwacho niya, ‘Ok wanyal konyo. Wasehero nyiseche mamoko, kendo nyaka waluwgi!’

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Ezekiel 24:12

Nimar kata da ichwake machal nade, to nyal mopoto kuome ok nyal rumo.

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

Jo-Rumi 7:9

Chon ne ok ang’eyo wach Chik, to ne angima angima. To kane ang’eyo Chik, richo nodoko mangima, mi an to atho.