Isaya 56:7 - MUMA MALER 2015

⁷ Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Motingʼo Loko Manyien

⁷ gin duto anakelgi e goda maler mi anamigi mor e oda mar lamo. Chiwo mag-gi mag misengini miwangʼo pep kod misengini mamoko nayiego e kendona mar misango; kendo oda noluongi ni od lamo mar ogendini duto.”

Isaya 56:7 ပူးပေါင်းရင်းမြစ်များ

1 Ruodhi 8:41

“Ka ng’ama wendo ma ok achiel kuom jogi Israel obiro mondo olem e Hekaluni, koa e piny mabor nikech nyingi,

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Wuok 28:38

Gima opamoreno nyaka bed e wi Harun, kendo kamano e kaka enopwodh ketho moro ma dipo kobetie kuom mich maler ma jo-Israel ochiwo ni Ruoth Nyasaye. Omiyo gino nyaka bed e wiye kinde duto, mondo Ruoth Nyasaye oyie chiwogo.

Isaya 11:9

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

Isaya 19:19

E kindego, nobedie kendo-mar-misango mar Ruoth Nyasaye e dier Misri, kod siro maler mochung’ ni Ruoth Nyasaye e tong’ piny Misri.

Isaya 19:21

Ruoth Nyasaye noyangre ni jo-Misri mondo ong’eye, kendo chieng’no giniyie kuome, mi ginitimne misango mar cham kod misengni mamoko. Bende ginikuong’re, mi gichop kuong’ruokgigo.

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 57:13

Nyisecheni manonogo ok nokonyi ka iywak. Adier, onge nyasaye moro amora ma noresi. Yamo notergi mabor giduto. Ee, kata mana muya matin nono nokudhgi, mi tergi mabor. To joma oloka kar konyruokgi nokaw piny, kendo goda maler nobed mwandugi.

Isaya 60:11

Dhorangeyeni biro siko koyaw, kendo ok nochieggi godiechieng’ kata gotieno, mondo ji okelni mwandu mag ogendini, ka ruodhigi otelonigi.

Isaya 60:7

Jamni duto mag Kedar nochokni. Rombe mag Nebayoth bende nobed jamni mitimogo misengni ma ayiego e kendona mar misango, mi duong’ maler mar Hekalu mara nomedre.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Jeremia 7:11

Koso uparo ni Hekalu mara en kama jomecho pondoe? An Ruoth Nyasaye aseneno gik ma utimo!

Ezekiel 20:40

Ruoth Nyasaye nochako owacho niya, “Un jo-Israel duto, unudog e pinyu, mi ulama ewi god Israel marabora ma en goda maler. Anabed mamor kodu, kendo anadwar mondo ukelna misengni mau kod chiwo mabeyo mosewalna.

Ezekiel 47:22

mondo obed mwandugi mosiko. Jopinje mamoko modak kuomu, kendo mosenywolo nyithindgi e pinyu, bende nyaka yud lowo ka upogo piny. Nyaka kwan gi ka jo-Israel hie.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mathayo 21:13

Eka nowachonigi niya, “Ondiki e Muma ni, ‘Oda noluong ni od lemo.’ Un to uloke od jomecho!”

Mariko 11:17

Bang’ mano nopuonjo ji, kowacho niya, “Donge ondiki e Muma ni, ‘Oda noluong ni od lemo mar Ogendini duto’? Un useloke od jomecho!”

Luka 19:46

kowachonigi niya, “Ondiki e Muma ni, ‘Oda nobed od lemo’, to un useloke od jomecho.”

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

Jo-Hibrania 13:15

Emomiyo, kuom Yesu, pile watimuru ni Nyasaye misango mar pak. Adier, dhowa mohulo nyinge mondo opake pile.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,