Isaya 56:2 - MUMA MALER 2015

² Jal matimo kamano mak oweyo, kendo momako wechego ndalo duto, en jahawi. Adier, ng’at morito Sabato mondo kik kethie, bende ma ok tim gimoro marach, en jahawi.

Motingʼo Loko Manyien

² Ogwedh ngʼat matimo ma, mangʼado bura makare kendo ngʼatno marito chiengʼ Sabato ka ok odwanye, kendo ok oyie lwete mulo gik mogak.”

Isaya 56:2 ပူးပေါင်းရင်းမြစ်များ

Nehemia 13:17

Kuom mano nadhaw gi jodong Juda, ka awachonigi niya, “Utimo gima rach manadi, kuchido chieng’ Sabato marach kama?

Zaburi 106:3

Joma orito chikene, kendo ma pile timo gik makare, gin johawi!

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 119:101

Asetang’ ni timbe maricho duto, nikech adwaro rito chikeni.

Zaburi 128:1

Ng’ato ka ng’ato moluoro Ruoth Nyasaye, kendo marito chikene, en jahawi.

Zaburi 34:14

Weuru timo richo, to timuru mana gik mabeyo. Dwaruru kue e kinde duto, mi uluw.

Zaburi 37:27

We timo richo, mondo ibed ng’ama ber, eka inidag e piny nyaka chieng’,

Wuok 20:10

to chieng’ mar abiriyo en chieng’ yweyo mowal ni Ruoth Nyasaye ma Nyasachu. Chieng’no, un kaachiel gi yawuotu kod nyiu, kata wasumbu machwo gi mamon, kata jambu, kata mana jodak manie miechu, kik ti tich moro,

Wuok 20:8

“Paruru chieng’ Sabato, kendo uwale ni Ruoth Nyasaye.

Ngeche 14:16

Ng’at mariek tang’, kendo loko dieng’eye ni richo. Ng’ama ofuwo to mwomore amwoma nikech ok oluoro gimoro.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 4:13

Pile par gima isepuonjori, kendo rite maber nikech en e ngimani.

Ngeche 4:27

Tang’ ni richo, kendo kik iwe yo makare, kibaro koracham kata korachwich.

Eklesiastes 7:18

To bed mana e diere. Ka itimo kamano, kendo iluoro Nyasaye, to inidhi nyime maber.

Isaya 56:4

nikech an Ruoth Nyasaye awacho kama: Joma buoch marito Sabato maga, kendo mayiero mondo otim gik ma adwaro, bende morito singruok ma asetimo kodgi,

Isaya 56:6

“Kamano bende e kaka an Ruoth Nyasaye, awacho ni jopinje mamoko ma oyie kuoma ka lama, kendo ohero nyinga, bende mobedo jotichna morito Sabato mondo kik kethie, kendo morito singruok ma atimo kodgi.

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Ezekiel 20:12

Ne aketo ndalo mag Sabatona obed ranyisi mar winjruok e kinda kodgi, mondo oparnigi ni an Ruoth Nyasaye ema ayierogi mondo gibed maga.

Ezekiel 20:20

Nyaka une ni ndalo mag Sabatona orit maler, mondo obed ranyisi mar singruok manie kinda kodu, mondo oparnu ni an Ruoth Nyasaye e Nyasachu.’

Tim jo-Lawi 19:30

Nyaka urit Sabato maga, kendo uluor Kama Ler mara. An e Ruoth Nyasaye.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Luka 12:43

Jatich ma ka ruodhe oduogo to yudo katiyo kamano, en jahawi!

Johana 13:17

Ka ung’eyo wachno, to un johawi kutiyo kode.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.