Isaya 55:9 - MUMA MALER 2015

⁹ nimar kaka polo bor moyombo piny, e kaka yorena bende boyo moyombo mau, kendo e kaka parona bende boyo moyombo parou.

Motingʼo Loko Manyien

⁹ “Mana kaka polo bor gi piny e kaka bende yorena boyo maloyo mau, kendo e kaka parona ohewo parou.

Isaya 55:9 ပူးပေါင်းရင်းမြစ်များ

2 Samuel 7:19

To gima isetimona pod in ikwano ka gima tin, nimar bende isewacho ni dhooda nosik kuom ndalo mang’eny, kendo isenyisa kaka tienge mabiro nochal.

Zaburi 103:11

To kaka polo bor moyombo piny, e kaka hera moherogo joma oluore bende bor moyombo hera duto.

Zaburi 36:5

A Ruoth Nyasaye, herani mosiko kod adierani tundo nyaka e polo.

Zaburi 77:19

A Nyasaye, niwuotho, king’ado nam matut, to ger tiendi ne ok nyal ne.

Zaburi 89:2

Ang’eyo ni herani osiko, kendo ni adiera mari ogurore mochwere ka polo.

Zaburi 92:6

Nitie gimoro ma ng’ama ofuwo ok nyal ng’eyo. Adier, ng’ama ming’ ok nyal winjo ni,

Isaya 14:24

Ruoth Nyasaye Manyalo Gik Moko Duto osekuong’ore kawacho niya, “Gima aseparo biro timore mana kaka asechano. Adier, kaka asechano e kaka notimre.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.