Isaya 55:4 - MUMA MALER 2015

⁴ Ne akete mondo obed jaote ni ogendini duto. Ee, nakete jatelo kendo japuonj ji.

Motingʼo Loko Manyien

⁴ To ne, asemiyo obedo janeno e kind ogendini, kendo asekete obedo jatelo mar ogendini.

Isaya 55:4 ပူးပေါင်းရင်းမြစ်များ

2 Samuel 22:44

Ne iresa kuom joma piem koda, kendo niketa jatelo mar ogendini, mi ji mane pok ang’eyo notiyona.

Zaburi 18:43

Ne iresa kuom joma piem koda, kendo ne iketa jatelo mar ogendini. Ji mane pok ang’eyo nolokore joga.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 43:12

An ema asekoro wach, kanyisou malong’o gik mabiro timore, to nyisecheu manono ok osetimo kamano. Un e joneno maga! An Ruoth Nyasaye ema awacho kamano.

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Daniel 9:25

Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Mathayo 2:6

‘In Bethlehem manie piny Judea, ok itin ngang’ e wang’ jotend Juda. Kuomi ema jatelo ma norit joga Israel nowuogie.’ ”

Johana 10:27

Romba ong’eyo dwonda, kendo an bende ang’eyogi, kendo giluwo bang’a.

Johana 10:3

En ema jarit rangach yawone. Rombe bende winjo duonde koluongogi achiel achiel gi nyinggi kogologi oko.

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Johana 13:13

Un uluonga ni ‘Japuonj’, kendo ni ‘Ruoth’, to mano uluonga kare, nikech mano e an.

Johana 18:37

Eka Pilato nowachone ni, “Kara in ruoth.” To Yesu nodwoke ni, “In ema iwacho ni an ruoth. An to ne onywola, mi abiro e piny mana ni mondo awuo gi ji kuom adiera. Ng’ato ka ng’ato man gi adiera kuome to winjo dwonda.”

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Jo-Efeso 5:24

Kuom mano, mon nyaka winj chwogi e weche duto, mana kaka kanyakla mar jo-Kristo winjo Kristo.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

1 Timotheo 6:13

Amiyi chik e nyim Nyasaye mamiyo gik moko duto ngima, kendo e nyim Kristo Yesu ma bende nohulo malong’o yie ma en-go e nyim Pilato.

Jo-Hibrania 2:10

Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 3:14

“Ndik ni malaika mar kanyakla mar jo-Kristo man Laodikia niya, ‘Jal miluongo ni Amin, ma en janeno migeno kendo maradier, kendo chuech duto mag Nyasaye noa kuome wacho kama: