Isaya 54:7 - MUMA MALER 2015

⁷ Chutho, ne ajwang’i kuom kinde manok, to koro abiro dwoki dala gi hera matut.

Motingʼo Loko Manyien

⁷ “Kuom kinde manok asejwangʼi, to koro abiro duogi ira gi kech mangʼeny.

Isaya 54:7 ပူးပေါင်းရင်းမြစ်များ

Zaburi 106:47

Reswa, A Ruoth Nyasaye ma Nyasachwa, kendo golwa kuom ogendini mamoko, iduogwa e pinywa, mondo wapak nyingi maler, kendo wayud mor kuom goyoni erokamano.

Zaburi 107:3

kendo oseduogou, kogolou e pinje mamoko, chakre yo wuok chieng’ nyaka yo podho chieng’, kendo chakre yo nyandwat nyaka yo milambo.

Zaburi 30:5

Mirimbe rumo piyopiyo, to ng’wonone osiko mochwere. Kamoro inyalo bedo gi kuyo gotieno, to kochopo okinyi, to iyudo mor.

Zaburi 30:6

Ne awinjo ka adhi maber, mi awacho e chunya niya, “Onge gima diloya.”

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 11:12

Eka enoting’ bandera malo mondo obed ranyisi ni ogendini, mi ochok jo-Israel mane oriemb e pinygi, kendo ochok jo-Juda moke, kogolo e tung’ piny gi tung’ piny.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 26:20

Un joga, donjuru e uteu, mi ulor dhoudi, mondo upond matin mi mirimb Ruoth Nyasaye kadhi,

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Isaya 27:8

Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 49:18

Ting’ wang’i malo mondo irang koni gi koni. Nyithindi chokore ka biro iri. An Ruoth Nyasaye mangima, akuong’ora niya, “Nyithindi nochal gi thiwni ma dhako rwako, kata ka law maber ma miaha rwakorego.

Isaya 49:21

Bang’e inipenjri niya, ‘Ere kaka ne ayudo nyithindogi duto, to nyithinda duto ne omaya, mi adong’ maonge gi nyithindo? Adier, ne oriemb joga, mi oter e tuech. Koro en ng’a mane opidhogi, ka an to ne adong’ kenda kamacha? Koso ere kaka ne ayudogi duto?’ ”

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Isaya 56:8

An Ruoth Nyasaye machoko jo-Israel moke, awacho kama: “Ji duto mane odong’ mak ochoki, pod abiro dwoko dala.”

Isaya 60:10

A Jerusalem, jopinje mamoko ok nochak oger ohinga mari, kendo ruodhigi nobed jotichni. Kata obedo ni ne asandi malit ka an gi mirima kamano, to koro asekechi, kendo ang’wononi.

Isaya 60:4

Ting’ wang’i mondo irang koni gi koni. Nyithindi duto chokore ka biro iri. Adier, yawuoti biro koa kuma bor, kaachiel gi nyigi, koik e bathe.

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Isaya 63:7

Abiro pako ber mar Ruoth Nyasaye kod timbene madongo miwuoro ka agoyo erokamano kuom gik moko duto mosetimonwa, kendo kuom hera maduong’ moseherowago wan jo-Israel. Notimonwa kamano nikech ng’wonone kod herane mogundho.

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Ywagruok 3:31

nikech Ruoth Nyasaye ok nowit ng’ato nyaka chieng’.

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Ezekiel 36:24

Anagolu e kind ogendini modak e pinje mopogore opogore, mi adwoku e pinyu uwegi.

Mika 4:6

Ruoth Nyasaye wacho niya, “Kinde biro ma abiro chokoe joma ne akumo, tiende ni joma ne oter e tuech mi othagore.

Mathayo 23:37

“Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

2 Jo-Korintho 4:17

nimar thagruok matin mwayudoni rumo piyo, to obiro kelonwa duong’ miwuoro kendo mosiko,

Jo-Efeso 1:10

Osechano mondo oriw gik moko duto manie polo kod manie piny obed e achiel kuom Kristo.

Rapar mar Chik 30:3

to Ruoth Nyasaye ma Nyasachu nong’wonnu, mi nochak omi udhi nyime maber kendo. Enochak ochoku kendo kanyakla, kogolou e pinje duto mane okeyoue.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

2 Petro 3:8

To osiepena, kik wiu wil gi wach achiel ni, kuom Ruoth, ndalo achiel romre gi higni alufu achiel, bende higni alufu achiel romre gi ndalo achiel.