Isaya 54:2 - MUMA MALER 2015

² Med odi, obed maduong’. Adier, yar rageng’ mag hembi malach, bende tud tondene obed maboyo, kendo igur loyene obed motegno,

Motingʼo Loko Manyien

² Ket kar hembi obed maduongʼ, yar ragengʼ mar hembi obed malach, kendo kik idog chien; tud tondene obed maboyo bende igur loyene motegno.

Isaya 54:2 ပူးပေါင်းရင်းမြစ်များ

Chakruok 26:22

Nodar oa kanyo, mokunyo soko machielo ma koro ne ok gidhawie. Nowacho niya, “Koro Ruoth Nyasaye osemiyowa thuolo e pinyni, kendo wabiro medore.” Kuom mano nochako nying sokono ni Rehoboth, (tiende ni, thuolo moromowa).

Wuok 35:18

kod loye mag Hema gi loye mag laru kod tondegi,

Wuok 39:40

gi pasia mag laru, gi sirni mage kod rachungine, kaachiel gi pasia man e dhoranga laru, gi tondene kod loyene gi gik moko duto mitiyogo tich Hema Maler, ma en Hemb Romo.

Isaya 26:15

A Ruoth Nyasaye, inimed ogandawa. Ee, inimede kiyaro tong’ pinywa mondo nyingi oyud duong’.

Isaya 33:20

Ka orango Sayun, dala mwatimoe sewni, to enone ni en dala man gi kue. Ee, kong’iyo Jerusalem, to enone ni ochalo gi hema ma ok tungni, ma loyene ogur motegno kendo ma kata tonde achiel ok ochot.

Jeremia 10:20

Hembewa osekethore chuth, kendo tonde mane otuegigo osechot. Yawuotwa duto osea modhi mabor, koro onge ng’ama odong’ ma dichak gurnwa hembewa, bende onge ng’ama nyalo lieronwa rageng’ni maggi.”

Mika 7:11

E ndalo gogo, un jo-Jerusalem unuchak uger ohingau, kendo unuyar tong’ pinyu,