Isaya 54:15 - MUMA MALER 2015

¹⁵ Ka ipo ni ng’ato omonji, to ok nakonye. Adier, ng’ato ang’ata momonji norum, nikech aheri.

Motingʼo Loko Manyien

¹⁵ Kapo ni ngʼato omonji, to ok nobed ni an ema aore; to ngʼato angʼata momonji nochiwre e lweti.

Isaya 54:15 ပူးပေါင်းရင်းမြစ်များ

Zaburi 56:6

Gichokore kama opondo, kendo ging’iyo gik moko duto ma atimo, ka gikiya mondo ginega.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 43:14

Ruoth Nyasaye ma jaresu kendo ma Ng’ama Ler mar Israel wacho kama: “Aseoro oganda lweny mondo omonj Babulon nikech un, kendo abiro miyo jo-Babulon podh piny auma ka giringo, mi koko mar mor ma gigoyo lokre ywak.

Isaya 54:16

An ema achueyo jatheth ma chwako chuma e mach, eka othedhogo gi lweny. Bende an ema achweyo jolweny ma kedo gi gigo, ka kethogo gik moko.

Zekaria 12:3

Chieng’no ka ogendini duto mag piny ochokore mondo omonj Jerusalem, to naloke obed mapek ka kidi, ma onge ng’ama nyalo ting’o, kendo ogendini duto motemo ting’e, nohinyre marach.

Zekaria 12:9

Bende anatiek ogendini duto mabiro mondo omonj Jerusalem.

Zekaria 2:8

Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Fweny 16:14

Chunygo gin jochiende, kendo gin gi teko mar timo honni. Gidhi ir ruodhi duto mag piny ngima mondo gichokgi ni lweny manobedie Chieng’ Maduong’ mar Nyasaye Manyalo gik Moko Duto.