Isaya 54:1 - MUMA MALER 2015

¹ Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Motingʼo Loko Manyien

¹ Jehova Nyasaye owacho niya, “Wer, yaye in dhako ma migumba, in ma ok inywol nyithindo; wer matek, ka igoyo koko gi ilo, in mane muoch ok okayi; nimar dhako ma migumba nobed gi nyithindo, mangʼeny moloyo dhako man-gi dichwo.

Isaya 54:1 ပူးပေါင်းရင်းမြစ်များ

Chakruok 21:6

Sara nowacho niya, “Nyasaye osemiya gimomiyo anyiero, kendo ng’ato ang’ata mowinjo nokonya nyiero!”

Zaburi 113:9

Oguedho dhako ma onge nyathi, mi oloke dhako mamor ma min nyithindo. Ruoth Nyasaye mondo opaki!

Wer Mamit 8:8

“Wan gi nyaminwa moro matin, ma thunde pok ochwopo. Koro wabiro time nadi, ka wuowi obiro dware?

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 24:14

Ji biro ywak matek yo podho chieng’, ka gikok niya, “Mano kaka duong’ mar Ruoth Nyasaye ng’ongo!

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Isaya 49:19

Kata obedo ni okethi kendo miechi odong’ gundni kamano, to ibiro yudo ni idoko matin, ma ok nyal romo jogi dakie. Bende jogo mane okethi noriemb dhi mabor.

Isaya 49:20

Nyithindi mane omayi nosik kawachoni niya, ‘Ka eri diny ahinya, omiyo dwarnwa piny malach mondo wadagie!’

Isaya 62:4

Ji ok nochak oluongi kendo ni, ‘Dala Mojwang’’. Piny bende ok nochak oluongi kendo ni, ‘Piny Mowe.’ To noluongi ni ‘Dala Ma Amorgo’, kendo noluong pinyi ni, ‘Dhako mokendi’, nimar Ruoth Nyasaye mor kodi, kendo pinyi nochal gi dhako man gi chwore.

Isaya 66:7

Bende dhako dinywol nyathi ma ok owinjo rem? Donywol wuowi kapok muoch okaye adier?

Zefania 3:14

Un jo-Sayun, koguru gi mor! A jo-Israel, gouru mahu matek! Ee, beduru mamor gi chunyu duto, yaye, jo-Jerusalem,

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Jo-Galatia 4:27

mana kaka Muma wacho niya, “In dhako ma migumba mane ok onywol, bed mamor! Ting’ dwondi ikog gi mor, in mane muoch ok okayi, nikech dhako ma chwore oweyo nobed gi nyithindo mang’eny, moloyo dhako modak gi chwore.”

1 Samuel 2:5

Joma ne yieng’ koro tiyo ni jomoko mondo oyud chiemo, to joma ne denyo koro yieng’. Dhako ma migumba onywolo nyithindo abiriyo, to en ma nyithinde ng’eny odong’ nono.