Isaya 53:9 - MUMA MALER 2015

⁹ Ne en gi jamoko ka otho, kendo ne okunyne bur kama iyikoe joricho, to onge tim mahundu mane osetimo, kata miriambo mane osewuok e dhoge.

Motingʼo Loko Manyien

⁹ Ne okete e bur e kind joricho kendo gi jo-mwandu e thone, kata obedo ni ne ok otimo tim mahundu moro amora bende miriambo nine ok owuok e dhoge.

Isaya 53:9 ပူးပေါင်းရင်းမြစ်များ

1 Jo-Korintho 15:4

Noyike, kendo nochier oa kuom joma otho chieng’ mar adek, bende kaka Muma wacho.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

1 Petro 2:22

Muma wacho niya, “Ne ok otimo richo, bende miriambo ne ok owuok e dhoge.”

1 Johana 3:5

Ung’eyo ni Kristo nofwenyore mondo ogol richowa. En to oonge gi richo.