Isaya 53:7 - MUMA MALER 2015

⁷ Ne osande, kendo ne oyie mondo ochwade, to ne ok owacho gimoro, to noling’ thi mana ka rombo mitero kar yeng’o, kata ka rombo manie nyim joma ng’ado yiere.

Motingʼo Loko Manyien

⁷ Nosande kichwade malit to ne ok otingʼo dhoge; notere kar thone mana ka rombo mitero kar yengʼo, kendo nolingʼ ka rombo manie lwet joma ngʼado yiere, omiyo en bende ne ok otingʼo dhoge.

Isaya 53:7 ပူးပေါင်းရင်းမြစ်များ

Zaburi 38:14

Adier, achalo ng’at ma ok nyal kwero wach, mana ka gima ita odino.

Zaburi 38:15

A Ruoth Nyasaye, in ema ageno kuomi, kendo in ema inidwoka.

Zaburi 44:22

To inegowa seche duto nikech in, kendo wachalo mana gi rombe midwaro yang’o.

Isaya 50:6

Ne aloko dieng’eya ni joma goya, kendo nachiwo tika ni joma dwaro pudho. Wang’a bende ne ok apando kiyanya, kata king’udho kuoma olawo.

Isaya 53:6

Waduto ne waselal mana ka rombe, ka ng’ato ka ng’ato ochiko mana yore owuon, to en ema ne Ruoth Nyasaye oketo kuome richowa duto.

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Kwan 7:27

gi nyarwath gi im gi nyaim ma hike achiel mitimogo misango miwang’o pep,

Mathayo 26:63

Yesu to noling’ aling’a thi. Jadolo maduong’ nowachone niya, “Aketi mondo ikuong’ri gi nying Nyasaye Mangima: Nyiswa ane ka in Kristo, Wuod Nyasaye.”

Mariko 14:61

To Yesu noling’ aling’a thi, ma ok odwoko wach moro. Jadolo maduong’ nochako openje ni, “In e Mesia Wuod Ng’ama Imiyo Duong’, koso?”

Mariko 15:5

To Yesu noling’ aling’a. Mano ne omiyo Pilato owuoro.

Luka 23:9

Ne openjo Yesu weche mang’eny, to Yesu ne ok odwoke kata wach achiel.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 19:9

omiyo nochako odok e od bura, mi openjo Yesu ni, “Ia kanye?” To Yesu ne ok odwoke.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.

Fweny 5:6

Eka naneno Nyarombo kochung’ e dier kom maduong’, kama ne gik mangima ang’wen kod jodongo olworo. Nyarombo ne nenore ka gima osenegi, to ne en gi tunge abiriyo, ma gin Roho abiriyo mag Nyasaye, ma oseor e piny ngima.