Isaya 53:11 - MUMA MALER 2015

¹¹ Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Motingʼo Loko Manyien

¹¹ Bangʼ chandruokne duto enone ler mar ngima kendo noyud mor e chunye; kuom riekone, jatichna makare nongʼad bura makare ne ji mangʼeny kendo notingʼ richogi.

Isaya 53:11 ပူးပေါင်းရင်းမြစ်များ

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 45:25

Nyikwa Israel duto nolochi kendo noyud duong’, mana nikech Ruoth Nyasaye.’

Isaya 49:3

Ne owachona niya, “In e jatichna, in Israel, oganda ma biro kelona duong’.” Kamano ne ayudo duong’ e nyim Ruoth Nyasacha, kendo ne odoko tekra.

Isaya 52:13

Winjuru! Jatichna biro dhi nyime maber. Enoting’e malo, kendo nomiye duong’ mang’ongo.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 53:8

Kane osemake, mi ong’adne bura, ne okawe mi otere e tho, to onge ng’ama ne openjo gima omiyo inege. Adier, ne ogole oko e piny joma ngima nikech richo mag jowa.

Daniel 12:3

To joma riek norieny ka ler mar polo, kendo jogo mane opuonjo ji mang’eny mondo otim gik makare norieny ka sulue nyaka chieng’.

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Luka 22:44

Chunye nochandore malit ahinya, mi nomedo lemo matek, kendo luya nochotne maton piny mana ka remo.]

Johana 12:24

Adier, adier, awachonu ni ka koth cham ok olwar e lowo, mi otho, to osiko mana kodhi achiel kende. To ka otho, to onyago kodhi mang’eny.

Johana 16:21

Ka dhako muoch kayo to en gi rem malit kod kuyo, nikech kinde mar nyuol osechopo,. To ka osenywolo nyathi, to koro ok opar rem gi kuyo mane engo nikech koro omor ni osenywolo dhano e piny.

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Jo-Rumi 4:24

to nondiki nikech wan bende, ma ibiro kwano ni joma kare nikech wayie kuom Jal mane ochiero Yesu Ruodhwa oa kuom joma otho.

Jo-Rumi 5:9

Kaka koro tho Kristo osemiyo wabet e winjruok gi Nyasaye, wan gi ratiro ni obiro resowa e kum mogik.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Jo-Galatia 4:19

Nyithinda, awinjo rem mana ka dhako ma muoch kayo, mondo anyuolu kendo, nyaka chop chue Kristo e iu.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.

1 Johana 2:1

Nyithinda, andikonu wechegi mondo kik utim richo, to ka ng’ato otimo richo, to wan gi Jakony masayonwa Wuoro. En Yesu Kristo, Jal makare.

2 Johana 1:1

An jaduong’, andikoni in Minwa ma Nyasaye oyiero, kendo andiko ni nyithindi ma ahero adier. Ok an kenda ema aheri to ji duto moseng’eyo adiera bende oheri,

2 Johana 1:3

Ng’wono gi miwafu kod kue moa kuom Nyasaye Wuoro gi Yesu Kristo Wuod Wuoro nobed kodwa e adiera.