Isaya 53:10 - MUMA MALER 2015

¹⁰ To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Motingʼo Loko Manyien

¹⁰ To kata kamano ne en dwaro Jehova Nyasaye mondo sande malit koyudo chandruok, kendo Jehova Nyasaye nochiwo ngimane mondo obed misango mar pwodhruok e ketho, to enone nyikwaye kendo omedne ndalo, kendo dwaro mar Nyasaye nochop kare nikech en.

Isaya 53:10 ပူးပေါင်းရင်းမြစ်များ

Zaburi 110:3

Chieng’ ma ikedo gi wasiki, to jou nochiwre mondo okedi, kendo yawuotgi nobi iri e gode maler, konur mana ka tho mamoko gokinyi.

Zaburi 147:11

to obedo mamor mana gi joma oluore, kendo man gi geno kuom herane mosiko.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 21:4

Ne okwayo mondo imiye ngima, mi nimiye. Ee, noyudo ngima malach kendo mosiko.

Zaburi 22:30

Tienge mabiro noti ni Ruoth Nyasaye, kendo nonyis ogendini mabiro wachne.

Zaburi 22:31

Ji ma pok minegi onywolo bende nowachnigi niya, “Ruoth Nyasaye osewaro joge.”

Zaburi 69:26

nimar gisando ng’ama isekumo, kendo gigoyo siboi ni joma isehinyo!

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Zaburi 72:7

Tim makare onego olandre e ndalone, kendo ji onego odhi maber nyaka chieng’.

Zaburi 89:29

Pile nyakware moro nobed ruoth, kendo lochne nobed mogurore ka polo.

Zaburi 89:36

To pile enobed gi nyikwayo, kendo lochne nosik nyaka chieng’.

Isaya 42:1

Neuru! Ma e jatichna ma atayo. En ng’at ma aseyiero, kendo ma chunya morgo. Aseketo roho mara kuome, omiyo obiro kelo adiera ni ogendini.

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Isaya 49:4

Chon ne awacho ni asetiyo matek kayiem nono, kendo ni aseketho tekra to onge gima ayudo. To kara Ruoth Nyasaye biro ng’ado bucha kare, kendo pokna mana ni e lwete.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 54:3

nimar ibiro nya kuonde duto, kendo nyikwayi noma ogendini pinjegi, mi gidag e mier ma koro owe gundni.

Isaya 61:9

Nyikwau nong’ere, kendo noyud duong’ e kind ogendini. Ji duto monenogi nong’e ni un oganda ma Nyasaye oguedho.

Isaya 66:22

Kaka polo manyien gi piny manyien nosiki e nyima, e kaka dhoodu gi nyingu bende nosiki. An Ruoth Nyasaye ema awacho kamano.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 32:41

Anatimnigi maber ka chunya mor, kendo anagurgi motegno e pinyni gi chunya duto kod parona duto.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Luka 1:33

mi enobed ruodh nyikwa Jakobo nyaka chieng’, kendo lochne ok norum.”

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 12:24

Adier, adier, awachonu ni ka koth cham ok olwar e lowo, mi otho, to osiko mana kodhi achiel kende. To ka otho, to onyago kodhi mang’eny.

Johana 13:32

Ka Nyasaye oyudo duong’ kuome kamano, to Nyasaye bende nomiye duong’ kama entie, kendo enotim kamano piyopiyo.

Jo-Rumi 6:9

nikech wang’eyo ni Kristo osechier oa kuom joma otho, kendo ok nochak otho nimar tho koro onge gi teko kuome.

Jo-Rumi 8:32

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

Jo-Rumi 8:8

Chutho, joma timo mana gik ma ngima mar dhano dwaro ok nyal bedo malong’o ni Nyasaye.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.

Jo-Efeso 1:9

oseelonwa dwarone mopondo, tiende ni oseelonwa gik mane ochano chon kuom ng’wonone, mondo otim kuom Kristo ka ndalo ogik kare.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

2 Jo-Thesalonika 1:11

Mano emomiyo walemonu pile, kwakwayo ni mondo Nyasachwa omi ubed joma owinjore gi ngima moluongoue, kotiyo gi tekone mondo ochop dwaro mabeyo duto ma un-go, kendo omi tichu duto, mutiyo nikech yie ma un-go, odhi maber.

Jo-Hibrania 2:13

Owacho bende niya, “Anaket genona kuom Nyasaye.” Kendo owacho ni, “Eri, an ka, kaachiel gi nyithindo ma Nyasaye osemiya.”

Jo-Hibrania 7:27

Onge gima dimi otim misengni pile, kaka jodolo madongo moko kwongo timo misengni ma gipwodhogo richogi giwegi, to eka gitimo misengni mipwodhogo richo oganda. En to notimo misango dichiel kende, kane ochiwore en owuon ka misango.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

Fweny 1:18

kendo an e Jal Mangima. Ne atho, to koro angima nyaka Piny Joma Otho.