Isaya 53:1 - MUMA MALER 2015

¹ En ng’a moseyie wach mwalando? Koso ere ng’ama Ruoth Nyasaye osenyiso tekone?

Motingʼo Loko Manyien

¹ En ngʼa moseyie wach ma walando, koso en ngʼa ma Jehova Nyasaye osenyiso tekone?

Isaya 53:1 ပူးပေါင်းရင်းမြစ်များ

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Isaya 62:8

Ruoth Nyasaye osekuong’ore koting’o bade ma korachwich man gi teko, kowacho niya, “Ok nachak ayie wasiki kaw chambi ocham. Jopinje mamoko bende ok nochak omadh divai ma isetiyone matek.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 16:17

Yesu nowachone niya, “Simon wuod Jona, in jahawi ahinya! Dhano ok ema osefwenyni wachni, to mana Wuora mae polo ema osefwenyonigo.

Luka 18:31

Yesu nokawo jopuonjrene apar gariyo, motero kar kendgi, mi owachonogi niya, “Winjuru! Koro wadhi Jerusalem, kuma gik moko duto mane jonabi ondiko kuom Wuod Dhano biro timoree adier.

Johana 1:12

To ji duto mane orwake, mi oyie kuome, nomiyo teko mar doko nyithind Nyasaye.

Johana 1:7

Nobiro nyiso ji wach ler, mondo ji duto oyie nikech wachne.

Johana 12:38

Mano nobet kamano mondo gima ne Isaya janabi okoro otimre. Isaya nosewacho niya, “Ruoth, ere ng’ama oseyie wach mwalando? Koso ere ng’ama Ruoth Nyasaye osenyiso tekone?”

1 Jo-Korintho 1:18

Wach msalaba en mana fuwo ni joma lal, to en teko mar Nyasaye ni wan joma ireso,

1 Jo-Korintho 1:24

To joma Nyasaye oseluongo, bed ni gin jo-Yahudi kata joma ok jo-Yahudi, to ong’eyo ni wachno en Kristo, ma en teko Nyasaye kendo riekone,