Isaya 52:6 - MUMA MALER 2015

⁶ To chieng’ resruok, joga nong’e nyinga. Gining’e ni kara en mana an ema wuoyo kodgi.”

Motingʼo Loko Manyien

⁶ Kuom mano joga biro ngʼeyo nyinga; kendo odiechiengno giningʼe maber ni an, ema ne asewacho wechegi chon. Adier, en An.”

Isaya 52:6 ပူးပေါင်းရင်းမြစ်များ

Zaburi 48:10

Ji duto paki kuonde duto, kendo humbi oselak e piny duto. Irito ji adiera,

Wuok 3:13

Musa nowacho ni Nyasaye niya, “To ka adhi ir jo-Israel, mawachonigi ni Nyasach kweregi oseora, gibiro penja ni, ‘Nyinge ng’a?’ An to nadwokgi ang’o?”

Wuok 33:19

Ruoth Nyasaye nodwoke ni, “Abiro miyo berna duto kadh buti, kendo anahul nyinga ma JEHOVA mana kiwinjo. Anaher ng’at ma adwaro hero, gi hera mosiko, bende anakech jalo ma adwaro kecho.”

Wuok 6:3

Nafwenyora ni Ibrahim gi Isaka kod Jakobo ka Nyasaye Manyalo Gik Moko Duto, to ne ok aweyo ging’eya gi nyinga mar Ruoth Nyasaye.

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Ezekiel 20:44

Un jo-Israel, ka unune ni ok asekumou moromo gi timbeu maricho kendo mamono, to atimonu mana kelo ni nyinga duong’, to unung’e ni an e Ruoth Nyasaye. An Ruoth Nyasaye ema awacho kamano.”

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.