Isaya 52:14 - MUMA MALER 2015

¹⁴ Kaka ne ji mang’eny obwok ka onene, nikech rem malit oloko wang’e, mi odoko gima ok chal dhano,

Motingʼo Loko Manyien

¹⁴ Mana kaka ji mangʼeny nobwok konene, kite ne olokore makoro ne ok ochal ka dhano, kendo kite nokethore mopogore gi kit dhano,

Isaya 52:14 ပူးပေါင်းရင်းမြစ်များ

Zaburi 22:15

Tekra oduono motwo ka balatago, kendo lewa omoko e danda. Iseweya e buru ka ng’ama otho.

Zaburi 22:17

Chokena duto neno, kendo wasika duto ranga ka nyiera.

Zaburi 71:7

Ngimana osebedo ka odhiero ji mang’eny, to in e jaritna maratego.

Isaya 50:6

Ne aloko dieng’eya ni joma goya, kendo nachiwo tika ni joma dwaro pudho. Wang’a bende ne ok apando kiyanya, kata king’udho kuoma olawo.

Mathayo 26:67

Bang’e ne ging’udho kuome olawo, mi gigoye adhong’, kendo githale,

Mathayo 27:14

To Yesu ne ok odwoko kata wach achiel, omiyo ruoth nowuoro ahinya.

Mathayo 7:28

Kane Yesu osetieko wacho wechego duto, ji ne owuoro puonjne,

Mariko 10:26

Kane jopuonjre owinjo kamano, ne gimedo wuoro ahinya, ka gipenjore e kindgi giwegi ni, “Kara, ere ng’ama nokwo!”

Mariko 10:32

Kane gin e yo gidhi Jerusalem, Yesu ne wuotho kotelo e nyim jopuonjrene, mane oyudo hum nono. Jogo mane luwogi bende luoro nomako. Yesu nochako oluongo joote apar gariyo tenge, mi onyisogi gima biro timorene.

Mariko 5:42

Eka nyathino noa malo, mowuotho. (Ne en jahigni apar gariyo.) Kane jogo oneno gima otimorene, dhogi nomoko.

Mariko 6:51

Eka nodonjo irgi e yie mi yamo okue. Ne gidhier nono,

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Luka 2:47

Ji duto mane owinjo wechene ne ohum nono kuom riekone kod duokone.

Luka 22:64

Ne giumo wang’e mi gipenje ni, “Hul ane ng’ama ogoyi.”

Luka 4:36

Ji duto mane ni kanyo nohum nono, mi giwacho e kindgi giwegi niya, “Magi weche manadi ma owachogi? Okwero jochiende gi teko maduong’ kendo giwuok awuoka!”

Luka 5:26

Mano ne omiyo giwuoro ahinya, ka luoro omakogi, mi ne gidendo Nyasaye niya, “Mano kaka waneno gik malich miwuoro kawuono!”