Isaya 51:5 - MUMA MALER 2015

⁵ Adiera mara biro machiegni. Ee, resruok ma akelo nenore ratiro. Abiro rito ogendini gi bada motegno, kendo joma odak e pinje manie dhonembe gi chulni biro ng’iya ka gigeno ni abiro ritogi gi tekona.

Motingʼo Loko Manyien

⁵ Adiera mara sudo machiegni piyo, warruokna chiegni, kendo abiro ngʼado bura makare ne ogendini. Joma odak e dho nembe biro ngʼiya ka gin gi geno ni abiro resogi gi tekona.

Isaya 51:5 ပူးပေါင်းရင်းမြစ်များ

Zaburi 110:6

Obiro ng’ado ni ogendini bura, mi omi ringre joma otho pong paw lweny. Adier, obiro loyo ruodhi e piny ngima.

Zaburi 67:4

Onego ogendini duto bed mamor, kendo wer gi ilo, nikech ing’adonigi bura gi adier, kendo itelonigi duto.

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Isaya 11:11

E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.

Isaya 24:15

Kuom mano ji mondo omi Ruoth Nyasaye duong’ e pinje man yo wuok chieng’, kendo nying Ruoth Nyasaye ma Nyasach Israel opaki e dhonembe gi chulni man yo podho chieng’.”

Isaya 26:4

Genuru kuom Ruoth Nyasaye nyaka chieng’, nikech Ruoth Nyasaye owuon en lwanda mosiko.

Isaya 33:2

A Ruoth Nyasaye, wan to kechwa nimar wageno kuomi. Yie imiwa teko okinyi kokinyi, kendo reswa e kinde mar masira.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 40:10

Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Isaya 42:4

Ok nochwanyre kata chunye ok nonyosre to enokel adiera e piny, kendo pinje manie dhonembe rito mondo chikne obi.

Isaya 46:13

Akelo resruok mara machiegni. Ok en mabor ngang’! Adier, kony ma akelo ok bi deko. Anares ji Sayun, mondo jo-Israel mamiya duong’ oyud konyruok.

Isaya 49:1

Winjuru, un joma odak e dhonembe kod chulni. Chikuru itu, un ogendini man kuonde maboyo. Ruoth Nyasaye noluonga kapok onywola. Adier, noluonga gi nyinga kapod an ei mama.

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Isaya 56:1

Ruoth Nyasaye wacho niya, “Rituru chik, kendo beduru gi timbe makare, nimar piyopiyo nono resruok ma akelo biro, mi timna makare nonere ratiro kolocho.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Isaya 62:11

Wach ma Ruoth Nyasaye osebedo ka lando e tung’ piny gi tung’ piny ema: “Nyisuru jo-Sayun ni, ‘Jaresu biro.’ Obiro gi joge mogonyo e lweny kawuotho e nyime, ka gik ma oyako.

Isaya 63:5

Ne arango ng’ama dikonya, to ne ok ayudo. Kuom mano ne adhier nono, kane ayudo ni onge ng’ama nyalo konya. To kata kamano tekona awuon ne omiyo alocho, kendo mirimba awuon ema ne okonya.

Joel 3:12

Ogendini nyaka ikre, mondo obi e holo ma Ruoth Nyasaye ng’adoe bura, nimar kanyo ema an Ruoth Nyasaye abiro betie, ka ayalo ogendini duto moa koni gi koni.

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Mathayo 3:2

Ne owacho niya, “Lokuru chunyu, nikech Loch Polo chiegni.”

Mariko 16:15

Eka nowachonigi niya, “Dhiuru e piny duto, uland Wach Maber ni ji duto.

Luka 24:47

mondo wach loko chuny olandi ni ogendini duto, chakre Jerusalem, mondo owenigi richogi e nyinge.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Jo-Rumi 2:16

Kamano e kaka notimre chieng’ ma Nyasaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Rapar mar Chik 30:14

To wach Nyasaye chiegni kodu ahinya, kendo en mana e dhou kendo e chunyu, omiyo ritogo yot.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”